Былы следчы СК Яўген Юшкевіч выйшаў з СІЗА

Затрыманаму 24 лістапада былому следчаму Следчага камітэта, а цяпер андроід-распрацоўшчыку і ініцыятару праекта bychange.me Яўгену Юшкевічу змененая мера стрымання на падпіску аб нявыездзе. Ён выйшаў з СІЗА на Валадарскага, паведамляе тэлеграм-канал motolkohelp.
Фота motolkohelp

Фота motolkohelp

Яўгена Юшкевіча затрымалі 24 лістапада, каля 22.00, у сваёй кватэры ў Мінску, дзе таксама прайшоў ператрус. Ён з'яўляецца падазраваным паводле ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Яму абралі меру стрымання ў выглядзе ўтрымання пад вартай, але пасля правядзення следчых дзеянняў сёння яму змянілі меру стрымання на падпіску аб нявыездзе.

Яўген Юшкевіч родам з Магілёва. У 2012 годзе скончыў юрфак БДУ. Быў у ліку пераможцаў студэнцкай юрыдычнай алімпіяды факультэта па прававых дысцыплінах.

Падчас вучобы два гады прапрацаваў пазаштатным супрацоўнікам у следстве Мінскай пракуратуры, пасля —пяць гадоў следчым у СК. У 2017 годзе пайшоў з пасады старшага следчага аддзела па расследаванні эканамічных злачынстваў упраўлення Следчага камітэта па Мінску. Расследаваў у ліку іншага гучныя справы — напрыклад, справу Давідовіча.

Пасля сыходу з СК Яўген стаў андроід-распрацоўшчыкам, а летам 2020 года — ініцыятарам праекта bychange.me, які "дапамагае ў навучанні, перападрыхтоўцы сілавікоў, дзяржслужачых і проста людзей, звольненых або якія пайшлі з працы па меркаваннях сумлення".

Яўген таксама вёў твітэр, дзе выказваўся аб сітуацыі ў Беларусі і аб працы сілавых структур. Цяпер яго рахунак недаступны.

Паводле news.tut.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: