Ці можна выспацца ў гандлёвым цэнтры?

На праблемы недасыпу беларусаў нарэшце звярнулі ўвагу! 28 лістапада — першы ў Беларусі адсыпны дзень, дзень калі хранічна невыспаныя беларусы могуць паваляцца ў ложках салонаў Vegas.

Ці высыпаецеся вы? Напэўна, мала хто з сучасных беларусаў на гэта пытанне адкажа «так». Па дадзеных rabota.tut.by, у мінулым годзе кожны пяты беларус штодзённа затрымліваўся ў офісе, а кожны чацвёрты — мінімум раз на тыдзень.

Але ў гэтым годзе на праблемы недасыпу беларусаў нарэшце звярнулі ўвагу! 28 лістапада аб’явілі першым Усебеларускім адсыпным днём. Дзясяткі кампаній дазволілі сваім супрацоўнікам прыйсці пазней на працу. А выспацца прама на вачах у публікі можна ў гандлёвых цэнтрах Мінску: «Дамашні ачаг», «Камелот», «Трум», «Замак Home».

Суткі ў ложках Vegas!

Нам мінулым тыдні ў сацсетках з’явілася інфармацыя пра тое, што беларускі экперт сну «Vegas» шукае тэсціроўшчыкаў ложкаў на цэлы дзень. Ад кандыта патрабавалася спаць і займацца тымі справамі, на якія звычайна не хапае часу. За гэта шчасліўшчыкі па дамове падраду мусяць атрымаць 70 рублёў.


Арганізатары мерапрыемства хацелі з кожным кандыдатам правесці прафесійную гутарку. Але жадаючых выспацца за грошы аказалася 1554 чалавекі. «Мы атрымалі сотні лістоў ад хранічна невыспаных людзей, якія вельмі прасілі выспацца, — распавяла Кацярына Гарабец, дырэктар па маркетынгу брэнда Vegas у Беларусі. — Дзеля таго, каб абраць пяць тэсціроўшчыкаў, мы былі вымушаны прыбегчы да генератара выпадковых лічбаў, каб выбар кандыдатаў быў больш аб’ектыўны».

Муж не адпусціў жонку адсыпацца адну

Вакансію тэсціроўшчыка адкрылі спецыяльна да Усебеларускага адсыпнога. У гэты дзень працадаўцы пяці шчасліўчыкаў дазволілі ім выспацца. Салон Vegas падрыхтаваў для кожнага ложак з артапедычным матрасам, падушкамі, коўдрамі і пасцельнай бялізнай. А ранкам тэсціроўшчыкам падалі сняданак у ложак — тое, пра што марыць, напэўна, кожны.

Кім з’яўляюцца тыя беларусы, якія хранічна не высыпаюцца?

Вераніка — маладая дзяўчына-бухалтарка. «На працы я моцна загружана, жыву толькі па выхадных, — распавядае дзяўчына. — Шчыра кажучы, захацела проста выспацца на якасным ложку і матрасе. Бо гэта вельмі ўплывае на сон».

Вераніка захацела проста выспацца на якасным ложку

Сярод запамінальных твараў тэсціроўшчыкаў — два праграмісты. Адзін з іх быў апрануты ў піжаму Санта Клаўса, а другі — піжаму Янота. Абодва захацелі выспацца і дачытаць тыя кнігі, на якія не стае часу. У першага — гэта кніга Карла Чапека, а ў другога — Агаты Крысці. Вясёлы Янот, як яго празвалі арганізатары, абраў сабе белую бялізну. У сваім рэзюмэ ён пазначыў, што мае нестандартную фігуру, таму патрабуе высыпання.


Наталля — маладая мама. У анкеце яна вельмі прасіла даць ёй магчымасць выспацца, бо яна не высыпалася ўжо тры гады — столькі, колькі гадоў яе дачцэ.

Наталля не можа выспацца,бо гадуе малую дачку

Наталля не можа выспацца,бо гадуе малую дачку

«Лайфхакі па здаровым сну

Але заснуць тэсціроўшчыкам удалося не адразу. Спецыліст па ёгі правяла з імі дыхацельную гімнастыку, якую можа выкарыстоўваць перад сном.

Рэлакс пад медытатыўную музыку

Рэлакс пад медытатыўную музыку

Калі вы хочаце адчуваць сябе не санліва, знайдзіце пяць хвілін напрацягу дня і дыхайце, прыслухоўваючыся да свайго арганізму. Такі лайфхак ад майстра па ёгі.


Парадамі падзялілася і Таццяна Горбат, доктарка з Цэнтра здаровага сну. Для дарослага чалавека норма сну — не менш за шэсць гадзін у суткі. «Але ўсё гэта індывідульна. У некаторых нормай можа быць дзесяць гадзін. І гэта нармальна! — пераконвае Таццяна. — Проста варта паспаць некалькі дзён без будзільніка і паглядзець, за колькі гадзін вы высыпаецеся».



А для таго, каб сон хутчэй падступіў да тэсціроўшчыкаў, музыка Вадзім пайграў на ханге — самым сучасным у свеце інструменце.

Калыханка на ханке

А пасля ўдзельнікі эксперыменту нацягнулі павязкі на вочы, закуталіся ў коўдры і пачалі засынаць.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: