Ціханоўская выказала спачуванні ў сувязі са смерцю Філарэта. Лукашэнка — пакуль не

Святлана Ціханоўская выказала спачуванні праваслаўным вернікам у сувязі са смерцю Мітрапаліта Філарэта, Ганаровага Патрыяршага экзарха, які 35 гадоў узначальваў Беларускую праваслаўную царкву.


«Мітрапаліт Філарэт шмат працаваў для адраджэння Царквы ў часы пераходу ад савецкага атэістычнага ладу да незалежнай Беларусі, ён надаваў вялікую ўвагу міжканфесійнаму дыялогу. Яго будуць помніць як шчырага і адкрытага чалавека, які шукаў паразумення ў беларускім грамадстве» — цытуе Ціханоўскую яе прэс-служба ў тэлеграм-канале палітыка.

Варта зазначыць, што гэтае спачуванне напісана па-беларуску.

Спачуванняў ад імя Лукашэнкі на момант публікацыі не паступала.

Аб смерці мітрапаліта Філарэта стала вядома сёння. Прычына смерці не ўдакладняецца, але ў снежні Філарэт перанёс каронавірус.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: