Цыгарэты ў драўніне — літоўскія мытнікі зноў затрымалі фуру з Беларусі

Літоўцы паказалі, як уладкаваны тайнік для цыгарэт у беларускай фуры. Схованку ў беларускай фуры разбіраюць ўжо 4 дні, піша onliner.by.

Літоўскія мытнікі зноў знайшлі партыю цыгарэт у фуры, якія ехалі ў Еўрасаюз — каля паўмільёна пачкаў. Але гэта не канчатковая лічба. 

Літоўскія мытнікі кожны раз глядзяць на піламатэрыялы з Беларусі як на рэбус. На гэты раз, разабраўшы "канструктар", зноў знайшлі партыю цыгарэт, якія ехалі ў Еўрасаюз. Знойдзена каля паўмільёна пачкаў. Але гэта неканчатковая лічба.

Дагляд грузавіка, які ўязджаў з Беларусі, праводзіўся яшчэ 12 ліпеня на пасту "Райгардас" (з беларускага боку — «Прывалка»). За рулём знаходзіўся грамадзянін Беларусі, ён паведаміў, што вязе транзітам у Польшчу дрэва. Пры візуальным аглядзе ў памежнікаў узніклі падазрэнні — кажуць, заўважылі, што гук нейкі не той. 

І сапраўды — унутры драўніны былі нішы з беларускімі цыгарэтамі Minsk Capital MS.

Гэтую «скарбонку» разбіраюць ужо чатыры дні, пакуль дасталі 500 тысяч пачкаў. Пры гэтым на мяжы адзначылі, што ўсяго ў фуры можа змясціцца цыгарэт амаль на 2 мільёна еўра — але гэта калі набіць пад завязку.

Кіроўцу фуру адпусцілі пад падпіску, узяўшы грашовы заклад.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: