«Чаму Пагоня?» — «А чаму — не?» На мытні затрымалі актывіста Руху «За Свабоду»

Гадзіны часу і спазнення на цягнік каштавала Паўлу Антусевічу паштоўка з Пагоняй, знойдзеная мытнікамі ў асабістых рэчах пры пераходзе мяжы. Студэнт вяртаўся з летняй школы Руху «За Свабоду», якая праходзіла ў Польшчы, 21 ліпеня ў другой палове дня.

Прыкладна а 16.30 у пятніцу з'явілася інфармацыя, што, пратрымаўшы гадзіну і зрабіўшы пільны дагляд асабістых рэчаў, Паўла адпусцілі. Прыцягнула ўвагу мытнікаў паштоўка з выявай Пагоні. З-за гэтага ўвесь багаж праверылі на наяўнасць матэрыялаў экстрэмісцкага кшталту.

«Чаму ў вас Пагоня? — запыталіся ў мяне. — А чаму нельга? — адказаў я» — так коратка Павел распавёў пра дыялог са службоўцамі.

Такое здарэнне адбылося з ім упершыню і выклікала здзіўленне: няўжо дагэтуль Пагоню асацыююць з экстрэмісцкімі матэрыяламі? Паводле заканадаўства Пагоня з'яўляецца гісторыка-культурнай каштоўнасцю і не можа інтэрпрэтавацца ані як «незарэестраваная сімволіка», ані як «азнака экстрымісцкага кшталту».

Праз затрымку на мяжы Павал спазніўся на цягнік. Прыйшлося выехаць дадому на гадзіну пазней аўтобусам.



Паводле Hrodna.life


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Абмеркаванне:

  • Лена
  • 2017-07-22 12:57:22
в суд подать

Больш цікавага на «Новым Часе»: