У Мінску адбыўся чарговы напад на ТБМ

На выходныя (22-23 красавіка) невядомыя зламыснікі разбілі фірмовую шыльду ТБМ на сцяне ля ўвахода ў офіс таварыства.

Гэта не першая акцыя вандалаў, падчас якіх яны рабілі розныя напады на нашу сядзібу. У найбліжэйшы час кіраўніцтва Таварыства беларускай мовы адновіць пашкоджаную шыльду.

 У ТБМ гэты інцыдэнт пракаментавалі наступным чынам: "Гэта сведчыць аб тым, што актывізацыя дзейнасці ТБМ у справе пашырэння беларускай мовы ва ўсіх сферах нашага жыцця не да спадобы розным шавіністам і манкуртам". 

Старшыня ТБМ Алег Трусаў кажа, што ў органы правапарадку яны вырашылі не звяртацца, бо "папярэдні досвед сведчыць пра тое, што злачынцы не будуць адшуканыя і пакараныя".
 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Абмеркаванне:

  • Стары Літвін
  • 2017-04-24 14:34:37
Давайце патрабаваць ад урада паставіць ТБМ на бюджэтнае фінансаванне.
  • Апошняе на сайце
,

Больш цікавага на «Новым Часе»: