Чарговы парад: у Мінску зноў перакрываюць рух транспарту

Стала вядома, дзе ў Мінску перакрыюць рух транспарту 18 і 20 ліпеня, паведамляе Еўрарадыё са спасылкай на тэлеграм-канал ДАІ.
На гэты раз нязручнасці, з якімі сутыкнуцца аўтамабілісты, звязаныя з трэніроўкай і парадам ратавальнікаў, якія будуць святкаваць прафесійнае свята — Дзень пажарнай службы. Як інфармуе ў Telegram прэс-служба сталічнай ДАІ, у чацвер, 18 ліпеня, з 02:30 да 04:00 на час правядзення трэніроўкі рух будзе перакрыты па вуліцы Янкі Купалы — ад праспекта Незалежнасці да Першамайскай вуліцы (у абодва бакі), з 04:00 да 06:00 — па праспекце Незалежнасці — ад вуліцы Янкі Купалы да вуліцы Казлова (таксама ў абодва бакі).

Парад пройдзе ў суботу, 20 ліпеня. У гэты дзень для руху транспарту з 07:30 да 08:30 перакрыюць участак вуліцы Янкі Купалы — ад праспекта Незалежнасці да Першамайскай вуліцы (у абодва бакі), з 10:30 да 12-й гадзіны — участак праспекта Незалежнасці — ад вуліцы Янкі Купалы да вуліцы Казлова (таксама ў абодва бакі).

ДАІ просіць аўтамабілістаў улічваць гэтую інфармацыю падчас выбару маршрута.

ДАІ

euroradio.fm

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Грамадства: галоўнае

Больш цікавага на «Новым Часе»: