Чатыры супрацоўніка «Белцяжмаша» выйшлі на волю пад падпіску

Змененая мера стрымання чатыром з пяці фігурантаў «справы «Белцяжмаш». Пад вартай застаўся кіраўнік дэвелаперскай кампаніі Ігар Анішчанка. Пра гэта TUT.BY паведаміла інфармаваная крыніца.
Ігар Анішчанка

Ігар Анішчанка

«Чацвёра чалавек выйшлі на волю пад падпіску [аб нявыездзе і належных паводзінах]. Пад вартай пакуль застаўся Ігар Львовіч [Анішчанка]», - сказаў суразмоўца.

Нагадаем, раніцай 16 верасня прадстаўнікі праваахоўных органаў прыйшлі ў офісы групы кампаній «Белцяжмаш», якімі кіруюць бізнесмены Ігар, Аляксандр і Дзмітрый Анішчанка. У чальцоў сям'і Анішчанка прайшлі ператрусы і па месцы жыхарства. Увечары таго ж дня з'явілася інфармацыя, што ўладальнікі і два топ-мэнэджара групы кампаній «Белцяжмаш» затрыманыя.

Дэпартамент фінансавых расследаванняў КДК падазрае кіраўніцтва «Белцяжмаш» ва ўхіленні ад выплаты падаткаў на суму больш за 6 млн рублёў. Сілавікам не спадабалася, як дэвелапер скарыстаўся спрошчанай сістэмай падаткаабкладання.

Затрыманне кіраўнікоў «Белцяжмаш» адбылося праз тыдзень пасля таго, як спецслужбы апячаталі памяшканне штаба Віктара Бабарыкі. Каманда былога кіраўніка Белгазпрамбанка, які ў траўні абвясціў пра свае прэзідэнцкія амбіцыі, здымала офіс у будынку па вул. В. Харужай, 25/1, якое здае ў арэнду «Белцяжмаш». Пазней там размяшчаўся і Каардынацыйны савет.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: