Чыноўнікі адмовіліся вярнуць безалкагольную зону ў парк на Віцьбе

Віцебскі гарвыканкам адмовіўся зрабіць паркавую зону Віцьбы зноў безалкагольнай, паведамляе Еўрарадыё
pixabay.com

pixabay.com

Пра гэта прасілі ў петыцыі больш за 400 жыхароў горада, пішуць "Народныя навіны Віцебска".

У адказе, які даў першы намеснік старшыні Віцебскага гарвыканкама Валянцін Цвяткоў, гаворыца, што падставаў для забароны там гандлю спіртным у разліў няма.

Безалкагольная зона ў парку каля Віцьбы існавала з 2015 года. Цяпер там прадае алкагольныя напоі, напрыклад, кавярня "Спрынт", якая належыць футбольнаму клубу "Віцебск". 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!