Чыноўнікі: «Издание паспорта туриста на белорусском языке нецелесообразно»

Гарадзенскі публіцыст і праваабаронца Уладзімір Хільмановіч атрымаў афіцыйны адказ на свой зварот у Гарадзенскі абласны выканаўчы камітэт. Туды ён звяртаўся з прапановай надрукаваць так званы пашпарт турыста таксама на беларускай мове.


Хільмановіч звяртаўся непасрэдна да начальніка ўпраўлення спорту і турызму Алега Андрэйчыка, але атрымаў адказ за подпісам яго намесніцы Таццяны Лідзяевай. 33-гадовая чыноўніца Лідзяева была прызначана на пасаду намесніка і курыруе пытанні развіцця турызму зусім нядаўна — з ліпеня гэтага году.

У адказе чыноўнікі аблвыканкаму безапеляцыйна сцвярджаюць, што «управление спорта и туризма Гродненского облисполкома считает нецелесообразным издание паспорта туриста на белорусском языке».  

Уладзімір Хільмановіч каментуе адказ: «Прызнацца, я думаў, што мне прышлюць бюракратычную адпіску, але адказ уражвае сваім просталінейным цынізмам. Зрэшты, тут адно з двух: альбо гэтыя чыноўнікі ўжо не хаваюць сваёй непавагі і грэбавання дзяржаўнай мовай тытульнай нацыі, альбо не разумеюць элементарнага. Яны тлумачаць мне, чаму такія пашпарты будуць па-расейску, па-польску і па-ангельску — але гэта і так усім зразумела. Сутнасць жа звароту была зусім у іншым — у тым, што ў Польшчы і ў Літве пражывае дастаткова шмат этнічных беларусаў, якім было б прыемна атрымаць пашпарт турыста на роднай беларускай мове. І ў тым, што друкаванне такога пашпарту таксама па-беларуску падвысіла б прэстыж беларускай мовы і цікавасць да яе замежнікаў. Але для іх усё, што па-беларуску, з’яўляецца «нецелесообразным». Маладая чыноўніца Таццяна Лідзяева нават не ведае, што паводле заканадаўства абавязана даваць адказ на мове звароту».  

Нагадаем, што 26-га кастрычніка ўвойдзе ў сілу Дэкрэт прэзідэнта Рэспублікі Беларусь аб бязвізавым рэжыме для замежнікаў на тэрыторыі Гародні і Аўгустоўскага канала. Гасцям рэгіёна будуць выдавацца адмысловыя пашпарты турыстаў з інфармацыяй.


Паводле harodniaspring.org

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • папагена
  • 2016-10-23 15:02:51
Адказ на рускай наводзіць на думку, што пан Гільмановіч не парупіўся нават зварот на беларускай напісаць. Куды ўжо тым чыноўнікам.
  • Апошняе на сайце
,

Больш цікавага на «Новым Часе»: