Дачка галоўрэда «БелаПАН» Ірыны Леўшынай: «Мама не дае паказанняў»

З СІЗА на Валадарскага Ганне Леўшынай з 18 жніўня прыйшоў толькі адзін ліст ад маці, галоўнай рэдактаркі «БелаПАН» Ірыны Леўшынай. Яна напісала яго ў першы дзень, паведамляюць naviny.online.

«У мяне добрыя суседзі — гэта на сёння галоўнае. Вучуся мець зносіны з рознымі катэгорыямі людзей. Яшчэ па раніцах тут гарлапаняць чайкі, якія прылятаюць са Свіслачы і, напэўна, пралятаюць міма майго дома таксама. Гэта грэе душу», — цытуе ліст мамы Ганна.

«Паводле слоў адваката, яна адчувае сябе добра. Ніякіх следчых дзеянняў не праходзіць, таму што мама не дае паказанняў», — дадала дачка.

Галоўную рэдактарку і дырэктарку «БелаПАН» Ірыну Леўшыну і былога дырэктара Дзмітрыя Наважылава затрымалі 18 жніўня. Спачатку — па падазрэнні ў арганізацыі або падрыхтоўцы дзеянняў, якія груба парушаюць грамадскі парадак. Але затым выставілі абвінавачанне па артыкуле аб ухіленні ад выплаты падаткаў.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: