Дзяржкантроль просіць мінчукоў расказаць пра якасць паслуг ЖКГ

Камітэт дзяржкантролю вырашыў праверыць, ці эфектыўна камунальнікі выкарыстоўваюць сродкі, вылучаныя на ўтрыманне і капрамонт жылых дамоў Мінска, піша «Еўрарадыё».

Фота realty.tut.by

Камітэт дзяржкантролю 9 верасня запусціў на сваім сайце апытанне жыхароў Мінска наконт працы сістэмы ЖКГ. КДК хоча праверыць, наколькі эфектыўна камунальнікі выкарыстоўваюць бюджэтныя, пазабюджэтныя і іншыя сродкі, вылучаныя на ўтрыманне і капрамонт жылых дамоў Мінска і на ўтрыманне прыдамавых тэрыторый.

Дзяржкантроль прапануе мінчукам адказаць на 11 пытанняў: пра якасць капрамонту жылых дамоў і бягучага рамонту пад'ездаў, уваходных груп; пра санітарнае ўтрыманне прыдамавой тэрыторыі і пад'ездаў у жылых дамах; пра працу ліфтаў; пра адпаведнасць нарматывам тэмпературы паветра і гарачай вады ў кватэрах; пра тэрміны і якасць выканання заявак і інш.

Інтэрнэт-апытанне завершыцца 31 кастрычніка.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: