Эдуард Пальчыс — пра свой прысуд: гэта спроба запалохаць і нагнаць страх

15 чэрвеня Пальчыса асудзілі за ўдзел у выбарчым пікеце па зборы подпісаў, які праходзіў 31 траўня каля Камароўскага рынку. На тым пікеце Пальчыс не выступаў, не выкрыкваў ніякіх лозунгаў, а проста вёў стрым з яго.
Эдуард Пальчыс. Фота: Еўрарадыё

Эдуард Пальчыс. Фота: Еўрарадыё


"Я думаю, што гэта спроба запалохаць блогераў, людзей. Спроба нагнятання страху. Больш няма ніякіх тлумачэнняў", — так Эдуард Пальчыс пракаментаваў сённяшні прысуд «Еўрарадыё».

"Мне прыслалі позву, я не пайшоў. Потым па тэлефоне сказалі, што мне 15 сутак, а ў пятніцу яшчэ адзін суд", — удакладніў блогер.

Ён не выключае, што на новым судзе яму могуць прысудзіць яшчэ 15 сутак. Ці пойдзе ён на суд у пятніцу, блогер яшчэ не вырашыў.

Што да сваіх планаў, якія можа сарваць нечаканы арышт, Пальчыс кажа, што планаваў рабіць стрымы ды іншы кантэнт па бягучых падзеях. 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: