Экс-ідэолаг Замяталін учыніў скандал у «Еўраопце», бо яго абслужылі па-беларуску

Канфлікт паміж незадаволеным купцом і прадавачкай адбыўся ў «Еўраопце», які знаходзіцца ў гандлёвым цэнтры «Галерэя» на праспекце Пераможцаў. У гэтай краме касіры па змоўчанні звяртаюцца да кліентаў па-беларуску.


Пра выпадак распавёў Ігар Кольчанка, дырэктар піяр-агенцтва Sette.

«Мужчына вельмі гучна пачаў абурацца і крычаць, нельга было не заўважыць. Яму не спадабалася, што прадавачка гаварыла з ім па-беларуску, — распавёў Ігар Кольчанка. — Ён пачаў крычаць на дзяўчыну: «Ды не хачу я гаварыць на вашай долбанай мове. Канстытуцыю пачытайце і адказвайце мне па-руску!»

Выявілася, што абураным купцом аказаўся Уладзімір Замяталін, былы галоўны ідэолаг краіны.

Праўда, сам Замяталін спачатку адмовіўся каментаваць сварку з прадавачкай. «Не разумею, пра што вы кажаце. Ваша мова не беларуская, а стараруская. Хопіць мне хлусіць», — адказаў ён карэспандэнту «НН». Але пасля перазваніў сам і ўдакладніў сваю пазіцыю:

«Абслугоўваючы персанал павінен размаўляць на той мове, на якой да яго звяртаюцца. Паўсюль гэта норма. Увогуле, я не разумею, у чым шум і інтарэс. Нічога звышнатуральнага не адбылося».

Але ці адказваў ён па-беларуску, калі быў чыноўнікам? «Калі да мяне звяртаюцца па-беларуску і я разумею, што кажуць, я адказваю па-руску. Калі не разумею, то так і кажу. Але вучыць мову ў 70 гадоў не збіраюся», — кажа экс-ідэолаг.

Замяталін запэўнівае, што яму падабаецца беларуская культура, і ніякай пыхі ў яго няма. «Але ёсць праўда гісторыі», — падсумоўвае ён.

Сёлета Уладзіміру Замяталіну спаўняецца 70 гадоў. Ён родам з расійскай Тулы, скончыў Данецкае вышэйшае ваенна-палітычнае вучылішча, пасля служыў у войску палітруком у Германіі, Дальнім Усходзе. У выніку лёс занёс Замяталіна ў Беларусь, дзе ён узначаліў прэс-службу Мінабароны. Меў званне палкоўніка.

Затым Замяталін быў прэс-сакратаром Савета Міністраў, віцэ-прэм’ерам, а таксама намеснікам кіраўніка Адміністрацыі прэзідэнта, адказным за ідэалогію. Пры часе яго кіравання ціск на беларускую культуру быў наймацнейшым.

Пры канцы кар'еры Замяталін узначальваў «Беларусьфільм», фігураваў як прадзюсар некалькіх беларуска-расійскіх фільмаў на ваенную тэматыку: «Брэсцкая крэпасць», «У чэрвені 41-га», «Снайпер: зброя адплаты».

nn.by



Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Макс
  • 2018-05-02 23:24:34
Евроопт молодцы, поддерживаю!
  • Федор, независимый журналист
  • 2018-05-03 10:35:14
Продуктовый магазин - это церковь? Нет! Место торговли - да! А где торгуют, там могут быть разногласия по разным мелочам - и это нома. А коль "норма", какие могут быть разногласия?! По языковым барьерам - это абсурд! У нас двуязычие. По социальному положению - мы все равны перед законом. Но есть тонкости в торговле - "Торгует тот, кто не скупо торгует". Но эта норма годится для рынка (базара). "Люди, будьте друг к другу вежливы!" Хороший призыв, но не везде его применишь; скажем, при встрече в дверях, кто кому должен уступить? Даже дети знают, что младший - старшему, мужчина - женщине, выходящий - входящему, а за рулем? Строго по правилам дорожного движения! А в магазине? Не по языковому определению, а культуре торговли! Раньше мы , покупатели, по-собачьи смотрели в рот продавщице, чтобы она палку "эстонской" достала из под прилавка, теперь товар на лицо - выбирай! Значит, пришло время кланяться, улыбаться покупателю (можно искренне и не очень), чтобы залежалый товар не списывать!
  • Александр, киносценарист
  • 2018-05-04 14:35:23
Гендиректором киностудии он был хорошим. Снимал по 7 "нашенских" фильмов в год. Был независим от чиновников минкульта. Начал реконструкцию "Беларусьфильма". И нажил кучу врагов - за что и погорел!
  • Анжаліка
  • 2018-05-05 17:58:21
Неверагодны жах! Як мог займаць кіруючыя пасады ў дзяржаве чалавек, які не ведае і ЦУРАЕЦЦА!!!! дзяржаўнай мовы!!!!

Каментаваць