Экс-супрацоўнік ЦІП на Акрэсціна адбывае там тэрмін за абарону Курапатаў

Супрацоўнік міліцыі Міхаіл Грамыка 30 чэрвеня падтрымаў абаронцаў Курапатаў і неўзабаве быў звольнены. Потым асуджаны на суткі, якія цяпер адбывае ў ЦІП на Акрэсціна, дзе да гэтага працаваў.
Фота: Ганна Шапуцька

Фота: Ганна Шапуцька

Пра гэта паведаміў актывіст Леанід Кулакоў падчас круглага стала па абароне Курапатаў, што адбыўся 12 ліпеня на сядзібе БНФ. Невядома, калі дакладна быў звольнены Міхаіл Грамыка (хутчэй за ўсё, ужо 2 ліпеня, у першы працоўны дзень пасля яго ўдзелу ў курапацкай вахце), у які дзень адбыўся суд і які тэрмін ён атрымаў. Але вядома, што яго павінны вызваліць 15 ліпеня.

Фота: Ганна Шапуцька

Фота: Ганна Шапуцька

Як паведамляла ў сваім Фэйсбуку кіраўніца ініцыятывы «За ўратаваньне мэмарыялу Курапаты» Ганна Шапуцька, 30 чэрвеня Міхаіл Грамыка далучыўся да вахты ў Курапатах, дапамагаў абаронцам супрацьстаяць правакатарам. Ён асабіста памятаў шматлікіх экс-палітвязняў: працаваў наглядчыкам у ЦІП на Ахрэсціна, калі там сядзелі Леанід Кулакоў, Зміцер Дашкевіч і Павел Севярынец. Знаёмства з апошнім найбольш уразіла Міхаіла Грамыку і паўплывала на рашэнне прыйсці ў Курапаты. Ён расказваў абаронцам, што стаміўся выконваць працу назіральніка.
За кратамі застаюцца таксама абаронцы Курапатаў Максім Вінярскі (вызваліцца 13 ліпеня) і Аляксей Туровіч (вызваліцца 14 ліпеня).

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • КУРАПАТЫ
  • 2018-07-12 23:01:04
Меня это очень вдохновляет... Это ещё раз доказвает сЕрьёзность дела -- мы на правильном пути, коль ихние ряды шатаются ... УВАЖЕНИЕ ДОСТОЙНЫМ ЛЮДЯМ СТРАНЫ !!!... Значит у БЕЛАРУСИ остаётся шанс ! ...

  • КОМЕНТЫ
  • 2018-07-12 23:02:02
НЕ ПОЗОРЬТЕСЬ УЧАСТИЕМ МОДЭРАТОРА ...