Феерверк над заказнікам «Лебядзіны» грымеў на ўвесь Мінск. А хіба так можна?

Учора ўвечары ў Лебядзіным грукатала так, што чуваць было па ўсім Менску. Шумная весялосьць скончылася грандыёзным феерверкам. Было эфектна і відовішчна, але ў сацсетках гучаць галасы незадаволеных: маўляў, хіба можна запускаць феерверкі на асабліва ахоўных тэрыторыях, да ліку якіх усё яшчэ належыць заказнік «Лебядзіны»?
Пра тое, што на праспекце Пераможцаў рыхтуюць салютныя ўстаноўкі, чытачы паведамілі нам яшчэ ў пятніцу днём. Бліжэй да вечара стала вядома, што ў рэстаране «Лебядзіны» на беразе вадаёма будуць гуляць вяселле года: сын уладальніка «Віталюра« Віталь Яцук ажаніўся з паспяховай беларускай мадэлю Жэні Катаве.

Феерверк пачаўся пасля 23: 00. Ды так, што ўвесь Менск здрыгануўся. «Грукат як пры бамбардзіроўцы», «на Ангарскай чуваць», «бедныя птушкі, калі яны, вядома, там засталіся», — абменьваліся каментарамі менчукі ў сацсетках.


Мяркуючы па відэа, якім з намі падзяліўся чытач, на час правядзення феерверка ДАІ перакрывала рух па праспекце Пераможцаў.

Успомнім, з якім скандалам у канцы 2019 года адкрываўся рэстаран «Лебядзіны», дзеля будаўніцтва якога прыйшлося рухаць межы прыродаахоўных зон. Яшчэ на стадыі ўзвядзення рэстарана яго прадстаўнікі заяўлялі, што не будуць шумець на тэрыторыі заказніка, каб не шкодзіць насельнікам унікальнай для Мінска прыроднай зоны. Раней феерверкі тут ужо здараліся. Але такі магутны — упершыню.

А як закон рэгламентуе месца запуску феерверкаў? Для гэтага варта звярнуцца да Пастановы МНС ад 4 кастрычніка 2004 года №32 «Аб зацвярджэнні правілаў бяспекі пры вырабе і выкарыстанні піратэхнічных вырабаў». У ім змяшчаецца пералік месцаў, дзе выкарыстанне феерверкаў забаронена. Сюды ўключаны:

«тэрыторыі аб'ектаў, якія маюць важнае маральна-культурнае значэнне, помнікаў гісторыі і культуры, могілак і культавых збудаванняў, запаведнікаў, заказнікаў і нацыянальных паркаў, месцы паломніцтва».

На самой справе забароненых месцаў значна больш, але ў дадзеным выпадку важны менавіта гэты абзац.

Варта дадаць, што знясіленне біялагічнай разнастайнасці заказніка пачалося задоўга да будаўніцтва «Алімпік парку» і ўваходзіць у яго склад рэстарана. Сапраўдным бедствам для экасістэмы стаў размешчаны па суседстве рынак у Ждановічах.


Паводле onliner.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: