Фінансавая міліцыя спыніла дзейнасць падпольнага казіно

Аператыўнікі сталічнай фінансавай міліцыі спынілі дзейнасць незаконнага казіно ў Мінску.
Выява носіць ілюстратыўны характар

Выява носіць ілюстратыўны характар

Як было ўстаноўлена, на працягу трох гадоў гэта казіно пад выглядам спартыўных турніраў прадастаўляла азартным грамадзянам магчымасць гуляць у покер з прыняццем грашовых ставак. Спецыяльнага дазволу (ліцэнзіі) на ажыццяўленне прадпрымальніцкай дзейнасці ў сферы ігральнага бізнесу ў казіно не было, адпаведна дзейнасць па аказанні такога роду паслуг з'яўляецца незаконнай.

Па папярэдніх дадзеных, сума атрыманага даходу ад заняткаў незаконнай прадпрымальніцкай дзейнасцю складае больш за 50 тыс. рублёў.

З падпольнага казіно аператыўнікі забралі камп'ютарную і аргтэхніку, праводзяцца спецыяльныя тэхнічныя экспертызы.

Вырашаецца пытанне аб узбуджэнні крымінальнай справы па прыкметах злачынства, прадугледжанага арт. 233 Крымінальнага кодэкса (незаконная прадпрымальніцкая дзейнасць).

Прэс-служба Камітэта дзяржкантролю

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: