Гандбольны клуб «Віцязь» запрасіў Аляксандра Глеба згуляць супраць БГК

Гандбольны клуб «Віцязь» запрасіў знакамітага беларускага футбаліста Аляксандра Глеба згуляць за «Віцязь» супраць брэсцкага БГК пасля таго, як барысаўскі БАТЭ адмовіў яму ў магчымасці выйсці на поле ў матчы супраць лонданскага «Арсенала». 


Інфармацыя пра гэта з'явілася ў афіцыйнай суполцы «Віцязя» ва «Укантакце».

Кіраўніцтва клуба з гумарам пералічыла ўсе плюсы сваёй прапановы:

«Аляксандр Глеб атрымае файную майку з беларускім арнаментам
Наш правы паўсярэдні Ілля Дударонак адмовіцца ад #13 на карысць Глеба
Імя нашага коуча — Аляксандр, і ён не менш легендарны, чым Арсен
Глеб быў гатовы згуляць за БАТЭ бясплатна. Ідэальна!
Гандбол — папулярнае практыкаванне на футбольных трэніроўках, і мы ўпэўненыя: Глеб ведае, што трэба рабіць на пляцоўцы
Мы лічым, што чалавек, які ўмее аддаваць добрыя пасы нагамі, здольны на гэта і рукамі
Наш брамнік Вадзім Котаў ведае добрыя месцы для рыбалкі»
«Паважаны Аляксандр Паўлавіч, наша каманда мае патрэбу ў Вашых паслугах! Зробім прыгожую гісторыю разам!» — гаворыцца ў запрашэнні на заканчэнне.

Паводле «Нашай Нівы»

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: