Гістарычныя могілкі Ракава пад пагрозай

Грамадскія актывісты заклікаюць абараніць тэрыторыю гісторыка-культурнай каштоўнасці — былых уніяцкіх могілак аграгарадка Ракаў, што пад Мінскам, паведамляе «Радыё Рацыя».

Каштоўнасць некропаля абазначыла сябра Грамадскай назіральнай камісіі па ахове гісторыка-культурнай спадчыны пры Мінкульце Беларусі, архітэктар Юлія Шастак:



— Ракаўскі некропаль з’яўляецца адным са шматлікіх некропаляў на тэрыторыі Беларусі, якія ўтрымліваюць у сабе магілы прадстаўнікоў некалькіх канфесій. У дадзеным выпадку гэта ўніяцкія могілкі былі ад пачатку. Да таго ж ён мае не толькі прыватны сямейны аспект, але і агульнанацыянальны, бо нездарма ж гэтыя могілкі былі прызнаныя ў 2005 годзе каштоўнасцю. Прычым, каштоўнасцю ІІ катэгорыі. Гэта даволі высокі ровень для могілак Беларусі.




Былыя ўніяцкія могілкі Ракава ўжо ратаваліся грамадскасцю ў 2005 і 2013 гадах. Падпісаць новую петыцыю, каб спыніць руйнаванне старых помнікаў, можна на сайце petitions.by.

www.racyja.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: