Графіціста Алега Ларычава схапілі з фарбай і трафарэтам. Ідзе суд (дапоўнена)

Графіціста Алега Ларычава схапілі з фарбай і трафарэтам. Здарылася гэта яшчэ ў суботу. З таго часу ён за кратамі.
Алега Ларычава схапілі з фарбай і трафарэтам, інфармуе Радыё Свабода. Разам з куратарам стрыт-арт-праекта Signal была затрымана яго сяброўка Ганна Новік. Здарылася гэта яшчэ ў суботу. Ад таго часу яны былі за кратамі.

Разам з затрыманым стрыт-мастаком Алегам Ларычавым судзяць яго дзяўчыну Ганну Новік. Яе вінавацяць, быццам яна лаялася матам на вуліцы Магілёўскай. Ганна — аспірантка Акадэмii навук. Як паведамляла Еўрарадыё, суд ідзе ў Кастрычніцкім судзе Мінска.

На судзе дзяўчына распавяла, што яны з Ларычавым вярталіся дадому, калі да іх падышлi мужчыны без апазнавальных знакаў і не прадставiлiся.

"Да нас звярнуліся ў грубай форме i пацягнулi ў машыну", — распавёў на судзе Алег Ларычаў, які выступае на гэтым працэсе сведкам.

Міліцыянт-сведка заявіў, што яны звярнулі ўвагу на пару, якая вяла сябе падазрона: "Нiбыта, нешта малявалi на сценцы. У iх было шэсць балончыкаў з фарбай i трафарэт".

Па словах міліцыянта, маладыя людзі пачалі лаяцца,  калі да іх падыйшлі міліцыянты.

У гутарцы з карэспандэнтам Еўрарадыё Алег Ларычаў распавёў, што за ім сачылі. Пасля затрымання тэлефон стрыт-мастака забралі на экспертызу.

"Трафарэт я паспрабаваў зрабіць упершыню ў жыцці. Ён не атрымаўся, быў прысвечаны справе "Белага легіёна", — паведаміў Ларычаў у перапынку судовага працэсу. 

euroradio.fm

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Анатоль
  • 2017-06-05 16:53:49
Што ж у нас за міліцыянты такія, што нельга міма іх прйсці і не палаяцца?

Больш цікавага на «Новым Часе»: