Гродзенскую этнакраму «Цудоўня» пазбаўляюць памяшкання

З гродзенскай этнакрамай «Цудоўня» разрываюць дамову арэнды. Пра гэта ўласніку стала вядома ўвечары 3 снежня. З 4 снежня крама прыпыняе працу.



«Цудоўня» часова пераходзіць у анлайнавы гандаль, расказаў Hrodna.life яе супрацоўнік Антон Шаранкевіч. «Шчыра, пакуль самі не ўсвядамляем што і як далей», — кажа ён. «Мы шакаваны такімі навінамі», — напісаў ён у Facebook. Уласнік плануе канусльтавацца з юрыстам.

«Цудоўня», як і многія гарадскія ўстановы, не працавала 26 кастрычніка ў знак салідарнасці з абвешчанай агульнабеларускай забастоўкай. Пасля гэтага ў памяшканне зачасцілі праверкі МНС і Міністэрства антыманапольнага рэгулявання і гандлю. Яшчэ раней, у верасні, з увахода ў краму двойчы на адзін дзень канфіскоўвалі бела-чырвона-белы сцяг — нібыта па просьбе грамадзян.

Гэта трэцяе памяшканне, якое займае крама за час свайго існавання. На Кірава, 3, як і раней на Вялікай Траецкай, «Цудоўня» дзеліць памяшканне з крамай-клубам настольных гульняў «Кубік» і крамай мэблі з масіва «33 камоды». Дамову арэнды разрываюць толькі з «Цудоўняй», яе кампаньёны застаюцца на сваім месцы.

«Цудоўня» існуе з траўня 2015 года. Асноўны кірунак дзейнасці — гандаль рамеснымі вырабамі ў нацыянальным стылі, адзеннем, беларускімі кнігамі. Ад часу заснавання «Цудоўня» актыўна займалася папулярызацыяй беларускай культуры. На пляцоўцы крамы праходзілі гістарычныя і культуралагічныя лекцыі, прэзентацыі кніг, майстар-класы, выступы музыкаў ды іншыя мерапрыемствы.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: