Гродзенская пушча паменшылася на 387 гектараў

Тэрыторыя рэспубліканскага ландшафтнага заказніка “Гродзенская пушча” змянілася як з-за дададзеных, так і з-за выключаных земляў. Новыя межы заказніка акрэслены ў пастанаўленні ўрада.



Са складу Гродзенскай пушчы выключаны землі сельгаскааператыва “Ніва-2003”. Паменшыліся тэрыторыі ляснога фонду заказніка і на 148 гектараў землі запасу.

Далучаныя да заказніка землі сельгаскааператываў “Гожа”, “Зарэчны-Агра”, ляснога фонду Гродзенскага лясгаса ў шэрагу кварталаў Аўгустоўскага лясніцтва, Сапоцкінскага лясніцтва і Гожскага лясніцтва, землі запасу — участкі рэкаў Нёман, Чорная Ганча.

Гродзенскі райвыканкам павінен у шасцімесячны тэрмін забяспечыць рэгістрацыю змененай тэрытарыяльнай адзінкі і ўсталяваць спецыяльныя інфармацыйныя знакі па межах заказніка.

Рэспубліканскі ландшафтны заказнік “Гродзенская пушча” быў заснаваны ў 2007 годзе. Яго мэтай з’яўляецца захаваць у натуральным стане каштоўныя прыродныя ландшафты, лясныя і лугавыя экасістэмы, дзікарослыя расліны і дзікіх жывёлаў, уключаных у Чырвоную кнігу Рэспублікі Беларусь. Гэта тэрыторыя ўваходзіць у склад буйнога ляснога масіву на мяжы Беларусі, Літвы і Польшчы.

www.t-styl.info

Хочаце ведаць больш? Сачыце за нашымі публікацыямі ў Telegram і Facebook!