«Грошы не збіраць, бацькоў не пускаць!» Якія ўказанні далі настаўнікам на педсаветах

Перад пачаткам навучальнага года ў школах праходзяць педсаветы. На ўмовах ананімнасці настаўнікі распавялі tut.by, што новага можа чакаць бацькоў у гэтым навучальным годзе.


Па краіне прайшлі звычайныя жнівеньскія педсаветы прысвечаны аналізу працы за мінулы навучальны год, таксама ставяцца задачы на новы. Адміністрацыя абмяркоўвае разам з настаўнікамі арганізацыю адукацыйнага працэсу. З таго, што можа зацікавіць бацькоў, педагогі адзначылі:

1. Рэкамендавана адмяніць лінейкі — літаральна на днях выйшлі метадычныя рэкамендацыі ад Міністэрства аховы здароўя, згодна з якімі ў школах рэкамендуюць адмяніць лінейкі — распавядае Ганна. — Але я думаю, гэта больш звязана з рознымі правакацыямі, чым з эпідэміялагічнай сітуацыяй. У некаторых школах лінейкі для першакласнікаў ўсё ж адбудуцца. Канчатковае рашэнне застаецца за адміністрацыяй школы.

2. Рэкамендавана павялічыць перамены але ніякай канкрэтыкі з нагоды працягласці пераменаў і распарадку дня яшчэ няма, кажуць настаўнікі. — У рэкамендацыях сказана пра тое, што трэба павялічыць перамены і выконваць дыстанцыю, а мець пры сабе дэзсродак ужо неабавязкова. Але колькі цяпер будуць доўжыцца перамены, пакуль невядома.

3. Бацькам уваход у школу можа быць забаронены — па гэтых рэкамендацыях бацькоў больш у школу пускаць не будуць — працягвае Ганна. — Настаўнікі сталі абурацца, што класы немаленькія, а ўсіх першаклашак трэба абуць-апрануць. Наша адміністрацыя пайшла на саступкі: бацькі першакласнікаў змогуць зайсці ў школу ў першы тыдзень, а потым ім таксама будзе катэгарычна забаронена заходзіць у школу. Па званку аднаго з бацькоў навучэнца будуць адпускаць з прадлёнкі.

У іншай школе адміністрацыя прыняла рашэнне пусціць бацькоў першакласнікаў у школу толькі ў першы дзень. — Вядома, мы абурыліся гэтай забаронай асабліва ў дачыненні да бацькоў першаклашак, — кажа Таццяна. — Адзінае, чаго мы дамагліся: каб пасля лінейкі бацькі змаглі адвесці першаклашак у клас, бо яны яшчэ нічога не разумеюць і не ведаюць свайго настаўніка. Але потым усё — настаўнік павінен выводзіць дзіця ў хол і перадаваць аднаму з бацькоў.

Настаўнік яшчэ адной сталічнай школы пацвярджае, што на педсавеце абмяркоўвалі забарону на наведванне бацькамі школ, але яна не думае, што яго сапраўды ўвядуць.

Ірына адзначае: — У некаторых школах бацькоў не пускалі і раней. У нас пускалі, але трэба было запісвацца на вахце. Мне здаецца, усё так і застанецца, гэта значыць бацькам не варта трывожыцца раней часу.

4. З бацькоў нельга збіраць грошы — нават на пітную ваду, мыла і туалетную паперу. Дырэктар сказала, што гэта праблемы бацькоў: хай дзеці з сабой усе прыносяць, — распавядае Таццяна. — Таксама нам забаранілі прымаць кветкі ад вучняў, паколькі пасля выбараў было шмат непрыемных слоў сказана ў адрас школы.

Таццяна кажа, што пасля выбараў фатаграфіі членаў выбарчай камісіі былі вывешаныя ў раёне, а да школы вучні прынеслі свае граматы і дыпломы ў знак нязгоды з вынікамі выбараў. Пратакол у школе так і не вывесілі, а каб выбарчая камісія змагла сысці дадому, прыйшлося выклікаць АМАП на бацькоў, якія сабраліся ля будынка школы. У такой абстаноўцы цяжка казаць аб кветках і віншаванні з Днём ведаў.

Ганна пацвярджае, што на педсавеце настаўнікам забаранілі абмяркоўваць з бацькамі фінансавыя пытанні. — Перад намі патрэслі паперкай (я думаю, гэта нейкае распараджэнне ад Упраўлення адукацыі) і сказалі, каб мы не вялі з бацькамі размовы пра грошы. Востра паўстала пытанне аб школьных дапаможніках, сшытках, якія кожны год трэба купляць, бо іх школе ніхто не выдае. Нам катэгарычна забаранілі абмяркоўваць з бацькамі такія пакупкі. Калі мы сталі пытацца, як нам працаваць, калі вучэбна-метадычны комплекс мае на ўвазе наяўнасць гэтых сшыткаў, адміністрацыя параіла патрэбныя матэрыялы ксеракапіраваць. Тады мы спыталі, дзе ўзяць фарбу, паперу, але адказу не атрымалі. Грошай прасіць нельга, а ксеракапіраваць магчымасці няма. Што рабіць, незразумела.

5. Нельга гаварыць з дзецьмі і бацькамі пра палітыку — настаўнікі проста павінны весці ўрокі, а палітыкай і без нас ёсць каму займацца, — цытуе распараджэнне кіраўніцтва школы Таццяна. — Хутчэй за ўсё, адміністрацыя школы проста не хоча напальваць адносіны паміж настаўнікамі і бацькамі.

У школе, дзе працуе Ганна, таксама параілі не весці з бацькамі палітычных размоў і захоўваць нейтралітэт. У адной мінскай школе, па словах настаўніка, на педсавеце вострыя тэмы імкнуліся не абмяркоўваць, папрасілі толькі гаварыць пра палітыку па-за сценамі школы. — Дырэктар падзяляе грамадзянскую пазіцыю настаўнікаў, але ў школе гэтаму не месца: ніякіх размоў пра гэта быць не павінна. На нязручныя пытанні парэкамендавалі адказваць толькі тое, што ў нашай кампетэнцыі.

Многія школы ў гэтым годзе з цяжкасцю ўкамплектавалі спецыялістамі, таму звальняць каго-небудзь з-за палітычных матываў наўрад ці будуць. — Дырэктар просіць не абмяркоўваць палітыку ў школе: баіцца сварак не толькі паміж бацькамі і настаўнікамі, але і паміж калегамі, — кажа Ірына. — З вучнямі таксама просіць абмежаваць гэтыя размовы, але калі дзеці настойваюць, можна прапанаваць пагаварыць пра тое, што іх хвалюе, пасля ўрокаў.

Паводле rebenok.by, пераклад НЧ


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: