Грушаўскаму скверу будуць вернутыя ранейшыя межы

Перамога.
Грушаўскі сквер

Грушаўскі сквер

Пра гэта, як перадае карэспандэнт агенцтва «Мінск-Навіны», паведаміў у час прамой тэлефоннай лініі старшыня Мінгарвыканкама Анатоль Сівак, адказваючы на пытанне жыхара Грушаўкі.

Ён падкрэсліў, што той участак сквера, які быў выключаны з яго складу і прадастаўлены забудоўшчыку, вернуць у зялёную зону.

Адпаведнае рашэнне Мінгарвыканкама будзе прынята ў наступную пятніцу падчас пасяджэння гарадскога выканаўчага камітэта.

Грушаўскі сквер — сквер у Маскоўскім раёне Мінска. Тэрыторыя абмежавана вуліцамі Дзекабрыстаў, Парашутнай, Папаніна. Сквер, якому ўжо каля 90 гадоў, сёння апынуўся практычна ў коле новабудоўляў вышынных жылых комплексаў, і яно працягвае сціскацца. У 2017 годзе стала вядома, што забудоўшчыку ТАА «Датч Стар» далі дазвол на дабудоўванне яшчэ двух секцый ЖК «Гранд Хаўс». Для гэтага яму выдзелілі тэрыторыю, дзе раней размяшчаліся баракі, а таксама зялёную зону, якая прымыкае да сквера, якую забудоўшчык абяцаў акультурыць. А да гэтага тут часова размесціцца паркоўка. Пытаннем рубам стала змена плошчы сквера. Мясцовыя жыхары справядліва пратэставалі супраць вырубкі дрэў у сваім упадабаным месцы для адпачынку і прагулак.

Старшыня Савета Рэспублікі Наталля Качанава некалькі дзён таму паведаміла аб рашэнні кіраўніка дзяржавы захаваць Грушаўскі сквер: «Я паведаміла кіраўніку дзяржавы, як развіваецца сітуацыя, і ён прыняў рашэнне, што Грушаўскі сквер павінен быць захаваны. Забудова і добраўпарадкаванне будуць весціся так, каб ён ні ў якім разе не пацярпеў», — распавяла Наталля Качанава.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Грамадства: галоўнае

Больш цікавага на «Новым Часе»: