«Гвалт не можа пакінуць абыякавай». Работнікі якіх прадпрыемстваў далучыліся да страйку

Раніца 24 лістапада пачалася з навін пра тое, што яшчэ адзін працаўнік «Беларуськалія» Аляксандр Клязовіч адмовіўся падымацца з шахты ў знак пратэсту супраць таго, што адбываецца ў краіне. Акрамя гэтага ён абвясціў аб сваім далучэнні да страйку. Гэта не адзіны работнік прадпрыемства, які пачаў страйк з сённяшняга дня.

Аляксандр Клязовіч. Фота страйкам «Беларуськалія»


Працягваюць далучацца да страйку і работнікі іншых прадпрыемстваў, у тым ліку «Нафтану» і Беларускай чыгункі, піша TUT.BY.

«Чарговае забойства маладога хлопца, бессэнсоўныя па сваёй жорсткасці затрымання грамадзян на мірных акцыях, прымяненне светлашумавых гранат і газу супраць пенсіянераў, пагрозы зброяй і арышты бацькоў на вачах маленькіх дзяцей-гэта ўсё паказвае нізасць і подласць людзей, якія захапілі ўладу ў нашай краіне. Я адмаўляюся сваёй працай спансіраваць прадстаўнікоў нелегітымнага рэжыму, якія лічаць нас рабамі, якія абавязаныя араць на іх за падачкі, — кажа ў сваёй заяве працаўнік «Беларуськалія» Аляксандр Клязовіч, яго публікуе тэлеграм-канал страйкаму «Беларуськалія». — Нас пазбавілі годнага жыцця, права выбару. Мы страцілі павагу адзін да аднаго. Мы даведаліся многае адзін пра аднаго пасля жнівеньскіх падзей. Мы пачынаем судзіць людзей не па іх словах, а па ўчынках. Пасля абвяшчэння стачкі і свайго жадання да яе далучыцца некаторыя нарэшце зразумелі, навошта з імі жывуць “іх жанчыны”, даведаліся людзей, якім пляваць на ўсіх, акрамя сябе. Я лічу, што страйк — адзіны законны і бяскроўны спосаб спыніць самаўпраўнасць і гвалт, таму падтрымліваю патрабаваньні страйкаму і далучаюся да страйку».

Акрамя яго страйкаваць пачаў яшчэ адзін работнік «Беларуськалія» Сяргей Журневіч, брыгадзір лавы, машыніст горных выемачных машын рудніка 3РУ.

Напярэдадні аб далучэнні да страйку абвясціла Маргарыта Осіпава, машыніст п/м участка Уздым Бярозаўскага рудніка 1РУ.

«Далучылася да страйку, бо тое, што адбываецца, гвалт у нас у краіне не можа пакінуць мяне абыякавай. Я супраць таго, каб пакутавалі нашы блізкія, а асабліва — старыя і дзеці. Таму мой выбар — далучыцца да агульнанацыянальнга страйку, каб не ўтрымліваць злачынны рэжым — прыводзіць яе словы телеграм-канал страйкаму.

Таксама да страйку далучаюцца і работнікі іншых прадпрыемстваў Салігорска. Страйкам «Беларуськалія» паведамляе, што ў страйкаваць пачалі работнік ТАА «Пасат», прараб СМР Арцём Забродскі, і працаўнік прадпрыемства «Ніва-холдынг», інжынер-электронік ААТ «ЛМЗ «універсал» Ігар Асіпян.

Ілюстрайыйнае фота


На «Нафтане» аб далучэнні да страйку абвясціў аператар тэхналагічных установак Іван Лінкевіч, які прапрацаваў на прадпрыемстве больш за 7 гадоў. Ён адмаўляецца выходзіць на працу з 25 лістапада. У заяве Івана Лінкевіча, апублікаванай у тэлеграм-канале Беларускага Незалежнага прафсаюза, таксама ёсць адно дадатковае лакальнае патрабаванне-адмяніць рашэнне Камісіі па калектыўнай дамове ад 09.11.2020 аб прыпыненні абзацаў п. 5.12 калектыўнай дамовы, у выніку якой работнікі страцілі магчымасць быць абароненымі прафсаюзам ад звальнення ў шэрагу выпадкаў па ініцыятыве наймальніка. Адмены гэтага рашэння патрабавалі і іншыя работнікі «Нафтана», якія раней аб’яўлялі аб далучэнні да стачкі.

На аднаго чалавека папоўніўся страйк на Беларускай чыгунцы. У телеграм-канале «Live. Супольнасць чыгуначнікаў Беларусі» апублікавана заяву аб далучэнні да страйку Аляксандра Корвеля, кіроўцы аўтамабіля-электраманцёра кантактнай сеткі, які працуе ў Гомельскім аддзяленні Бч. Ён піша, што далучаецца да агульнанацыянальнага страйку да выканання патрабаванняў: адстаўка Лукашэнкі; вызваленне ўсіх палітвязняў і грамадзян, асуджаных за выказванне сваіх перакананняў; спыненне ўсіх відам гвалту супраць грамадзян, якія мірна пратэстуюць; расследаванне ўсіх відаў і выпадкаў гвалту з боку праваахоўных органаў у дачыненні да мірных грамадзян; правядзенне новых сумленных выбараў.

Таксама у панядзелак, 23 лістапада, аб далучэнні да страйку абвясціў першы работнік Мазырскага НПЗ Канстанцін Янкін.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: