Яшчэ трох незалежных журналістаў пакаралі арыштам

Дзяніса Ганчарэнку, які супрацоўнічае з тэлеканалам «Белсат», пакаралі арыштам на 12 сутак і штрафам у памеры 510 рублёў за працу без акрэдытацыі. Аналагічнае пакаранне суд вынес і відэааператару Аляксандру Любенчуку.

Любенчук у будынку суду 


Абодвух затрымалі ўвечары 24 верасня ля турмы на Акрэсціна, дзе з іншымі калегамі тыя збіраліся сустрэць фатографаў Уладзіміра Грыдзіна і Аляксандра Васюковіча, якія адбывалі 11-дзённыя арышты за нібыта ўдзел у «масавым мерапрыемстве».

Акрамя таго, галоўнага рэдактара інтэрнэт-выдання «Рэгіянальны Магілёў 6tv.by» Змітра Салаўёва асудзілі на 7 сутак арышту. Суддзя Ленінскага суду Алена Літвіна прызнала яго вінаватым ва ўдзеле 6 верасня ў несанкцыянаваным шэсці.

Сваёй віны Салаўёў не прызнаў. У гэты дзень ён выконваў свае прафесійныя абавязкі — здымаў, як праходзіць «Марш адзінства».

Паводле Радыё Свабода



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: