Яўгена Афнагеля не даставілі ў суд. Дзе ён, пакуль невядома

Каардынатара грамадзянскай кампаніі «Эўрапейская Беларусь» Яўгена Афнагеля 4 траўня не даставілі ў суд.
У судзе Цэнтральнага раёну Менску быў прызначаны разгляд адміністрацыйнай справы Яўгена Афнагеля за ўдзел у першатравеньскай акцыі.

Яўгена Афнагеля затрымалі ў Менску позна вечарам 3 траўня. Да суду актывіст знаходзіўся ў турме на Акрэсціна.

Паводле праваабаронцаў «Вясны», месцазнаходжаньне актывіста пакуль невядомае.

Лідэра руху «Разам» Вячаслава Сіўчыка ў тым жа судзе сёння пакаралі арыштам на 15 сутак за ўдзел у акцыі 1 траўня.


Паводле svaboda.org

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: