Юрый Губарэвіч: «Бардак вы наладзілі»

Сёння ў адміністрацыі Першамайскага раёна разглядаўся праект забудовы кварталу ў межах вуліцаў Коласа – Калініна – Чорнага – Сурганава, дзе збіраліся пабудаваць 7 паркінгаў.

Фота: Станіслаў Шаршукоў

Аднак на абмеркаванне ні мясцовых жыхароў (акрамя Таццяны Кнацько), ні журналістаў міліцыянт Віталь Дабравольскі пускаць адмовіўся. Прычына — вуснае распараджэнне намесніка кіраўніка адміністрацыі Першамайскага раёна Васіля Косаўца, піша tut.by.

Кіраўнік Руху «За Свабоду» і мясцовы жыхар Юрый Губарэвіч распавёў, што сустрэў у калідоры кіраўніка раёна Ігара Кудрэвіча і задаў яму некалькі пытанняў. Чыноўнік адказаў, што сябраў ініцыятыўнай групы не ўключылі ў камісію таму, што ёсць і іншыя жыхары раёна.

Па словах кіраўніка Руху «За Свабоду», Ігар Кудрэвіч сказаў яму, маўляў, ваша задача была прыйсці і зладзіць бардак.

— Дык я яму кажу: «Бардак вы наладзілі. Калі б пусцілі прадстаўнікоў ініцыятыўнай групы — усе б мірна разглядалі там пытанні. А так вы зладзілі гэтае шоў з міліцыяй», — сказаў Губарэвіч.

Паводле tut.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: