«Каб пра стужачкі забыліся». Беларусам прапануюць прымусіць службы ЖКГ працаваць па профілі

У тэлеграм-канале «МотолькоПомоги», які якраз сёння прызналі экстрэмісцкім, з'явілася прапанова прымусіць ЖКГ, «Зелянбуд» і «Рэмаўтадор» працаваць па профілі.
Для гэтага трэба ўсталяваць на смартфон дадатак 115.БЕЛ і адпраўляць заяўкі на працы пералічаных вышэй служба.

«Добры дзень! Сёння ў раёне Севастопальскага парку ў Мінску назірала наступную карціну.
Камунальнікі на машыне з люлькай зразалі стужачкі. І фоткалі для справаздачы на ​​тэлефон. Галінкі ламалі, лаяліся матам.
Але... Парк не прыбралі наогул. Усё смецце засталося пад нагамі, дарожкі не расчышчаныя.
Антон, як наконт новай мабілізацыі — месяц паркаў у 115.бел? Каб пра стужачкі забыліся».

Тэлеграм-канал нагадвае, што наводзіць парадак трэба не толькі ў парках. Вуліцы, двары, разбітыя ходнікі. Ды нават каб у пад'ездзе святло было (замянілі лямпачкі) і прыбрана па рэгламенце. Правілы прыборкі (і перыядычнасць) — па спасылцы.

І гаворка не толькі пра Мінск — па ўсёй Беларусі людзям прапануюць адпраўляць заяўкі. «Не выконваюць? Пішыце афіцыйныя электронныя звароты праз сайты выканкамаў і мясцовых адміністрацый. І тут даюць адпіску? Стварайце калектыўны зварот праз petitions.by, прыклаўшы папярэднія адказы», — рэкамендуе тэлеграм-канал.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: