Кацярыне Андрэевай адмовілі ў спатканні з мужам

Пра гэта певедамляе Белсат.
Ігар Ільяш і Кацярына Андрэева

Ігар Ільяш і Кацярына Андрэева

Адпаведную пастанову за подпісам старэйшага следчага Фрунзенскага РАСК Ігара Курыловіча атрымаў муж Кацярыны, журналіст Ігар Ільяш. Следчы тлумачыць адмову ў спатканні тым, што Кацярына нібы «можа схавацца ад органу крымінальнага пераследу і суда».

«Лічу пастанову Курыловіч неабгрунтаванай, а матывавальную частку гэтай пастановы – пазбаўленай усялякага сэнсу. У сваім хадайніцтве я прасіў не аб змене меры стрымання для Каці, а толькі аб спатканні», – каментуе сітуацыю Ігар.

Таксама Фрунзенскі РАСК адмовіўся вяртаць тэхніку, што ў Ігара Ільяша канфіскавалі падчас затрымання ва ўласнай кватэры 24 лістапада. Тады журналіста пакаралі 15 соднямі арышту. Адначасова на грунце пастановы аб арышце маёмасці Кацярыны Андрэевай у яго забралі асабістую тэхніку – у тым ліку два тэлефоны і ноутбук. Следчы Курыловіч адмовіўся вяртаць тэхніку, бо прадметы былі прызнаныя «рэчавымі доказамі» ў справе журналістак «Белсату» Кацярыны Андрэевай і Дар'і Чульцовай.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: