Кобрын: рабочага-будаўніка спачатку збілі, а затым аштрафавалі

У сваёй скарзе ад 24 жніўня ў пракуратуру Кобрынскага раёну Ігар адзначае, што ніхто з супрацоўнікаў РАУС яму не прадставіўся, не патлумачыў падставаў для затрыманьня, спадару Ігару не дазволілі пазнаёміцца з пратаколам аб другім затрыманні і прымусілі яго падпісаць пад пагрозай прымянення фізічнай сілы.

У сваёй скарзе грамадзянін просіць пракуратуру правесці пракурорскую праверку па фактах самавольнага затрымання, жорсткага і бесчалавечнага абыходжання з боку супрацоўнікаў міліцыі, выявіць асобы міліцыянтаў, якія яго затрымлівалі, прыняць адпаведныя меры пракурорскага рэагавання, прызнаць парушэнне ягоных правоў, адмяніць судовы прысуд, а таксама пісьмова адказаць на ягоны зварот.

Аднак да гэтай пары Ігар Місіюк, які зараз працуе будаўніком у Польшчы, адказу на сваю скаргу не атрымаў.

Разам з тым, пастановай суддзі Брэсцкага абласногу суду Ніны Герасімук ад 23 верасня прысуд суддзі Алеся Бабаскіна адменены і справа Ігара Місіюка накіравана на перагляд у той жа суд іншаму суддзі.
За ўдзел у маршах 30 жніўня і 13 верасня яшчэ адзін рабочы-будаўнік, кабрынчанін Сяргей Андрэенкаў быў двойчы аштрафаваны адпаведна 5 і 8 кастрычніка агулам на 30 базавых велічынь (суддзі Аляксей Кміта і Таццяна Каберская). Прычым амаль тыдзень спадар Сяргей быў зняволены ў Ізалятары часовага ўтрымання.

Спадар Сяргей разам з жонкай Маргарытай сем гадоў запар працуюць ў Маскве. Мужчына — па прафесіі, а жонка — адміністратарам рэстарану.
Паводле спадарыні Маргарыты, пасля атрымання вышэйшай адукацыі па спецыяльнасці “маркетолаг” яна паўтары гады адпрацавала ў Кобрыні і зразумела, што ня можа забяспечыць нават сабе адной паўнавартаснае самастойнае жыццё. “Мы стаміліся ад гэтай улады, пры сутыкненні з якой адчуваеш сваё поўнае бяссілле”, — падкрэсліла жанчына.

Яе муж дадаў, што з кожным годам сітуацыя з працаўладкаваннем і заробкамі ў іхным родным Кобрыне становіцца ўсё больш складанай. “І мы не жадаем сваім дзецям і ўнукам такога жыцця, калі чалавек проста не мае мажлівасці займацца любай справай і атрымліваць прыстойны заробак. Таму і на тварах людзей замест усмешкі крыўда, заклапочанасць і адасобленасць”, — заявіў Сяргей Андрэенкаў.
Іллі Волкаву 21 год. Па спецыяльнасці ён повар-афіцыянт. Апроч Іллі ў сям’і выхоўваюцца дзве дачкі 15 і 18 гадоў, а таксама прыёмнае дзіця. Бацька працуе бетоншчыкам.

Пасля атрыманя прафесійнай адукацыі Ілля працаваў ў дзіцячым садку, служыў ва ўнутраных войсках. Зараз часова беспрацоўны. Палітыкай пачаў цікавіцца пад час акцыяў восенню 2017 году супраць дэкрэту аб дармаедах. Тады юнак выйшаў на цэнтральны пляц гораду, бо быў абураны сітуацыяй абсурду, калі чалавек ня можа знайсці працу і за гэта яшчэ павінен плаціць штраф. У цяперашніх акцыях пратэсту стаў удзельнічаць пасля таго, як даведаўся пра жорсткі разгон мірных грамадзянаў і гвалт сілавікоў.  

За ўдзел у маршах 13 і 27 верасня пастановамі суду ад 5 і 8 кастрычіка Ілля Волкаў быў аштрафаваны агулам на 30 базавых велічынь (суддзі Аляксей Кміта і Таццяна Каберская). Прычым амаль тыдзень спадар Ілля быў зняволены ў Ізалятары часовага ўтрымання.

Але хлопец не шкадуе пра свой удзел у акцыях пратэсту, бо выходзіць на маршы згодна сваёй грамадзянскай пазіцыі, ад якой ня жадае адмаўляцца.
Пры гэтым маці не падтрымлівае сына, бо лічыць, што ў краіне адсутнічаюць важкія падставы для грамадзянскага пратэсту.

Апроч таго, 2 кастрычніка суддзя Ала Богнат аштрафавала на 10 базавы велічынь шматдзетнага бацьку Сяргея Хабарава, у сям’і якога выхоўваюцца чацвёра дзяцей. Мужчына быў пакараны за ўдзел у маршы 15 верасня разам з сваім непаўнагадовым дзіцём. Прычым двое сутак да суду спадар Сяргей быў зняволены ў Ізалятары часовага ўтрымання.

Пад час сённяшняга маршу пратэсту ў Кобрыне быў затрыманы шэраг грамадзянаў, некаторыя знаходзяцца ў Ізалятары часовага ўтрымання. Сярод затрыманых – Кацярына Ануфрыюк, Юлія Рафаловіч — дзіцячая доктарка, Александрына Шаляпіна — працуе на фабрыцы лялек “Палессе”, Рыгор Ігнацюк — беспрацоўны, Васіль Куцэвіч і Алесь Папоў — падпалкоўнік запасу.

Нягледзячы на рэпрэсіі, кабрынчане працягваюць мірна пратэставаць, аб чым сведчаць здымкі ў гэтай публікацыі