«Крычалі, што ён нібыта разабраў вадамёт, лецішча Балабы падпаліў»

У Менску затрымалі і жорстка збілі ўладальніка кветкавага магазіна. З РУУС у шокавым стане яго забрала хуткая. Максім Харошын раздаваў людзям кветкі на маршах. Пра гэта паведамляе "Натоящее время".

У Мінску сілавікі затрымалі саўладальніка крамы "Первый цветочный" Максіма Харошына і збілі яго ў аддзяленні міліцыі, паведаміла Onliner.by яго жонка Кацярына. Мужчыну з аддзялення міліцыі забралі ў бальніцу супрацоўнікі хуткай дапамогі.

Па словах жонкі Максіма, іх з мужам затрымалі раніцай пасля таго, як яны выйшлі з пад'езда і селі ў машыну. "Не прайшло і двух секунд, мы не паспелі нават зачыніць дзверы, як вельмі жорстка ўварваліся невядомыя ў нашу машыну і адчынілі ўсе дзверы. Максіма білі кулакамі ў твар вельмі жорстка. Мне заламалі рукі і адразу адвялі ў машыну, іх было дзве, — распавяла яна. — Максіма, мабыць, вельмі моцна там пабілі, таму што адзін з машыны, дзе я сядзела, дастаў з сумкі бінт, я разумела, што там нешта не проста так".

Кацярына Харошына распавяла, што сілавікі забралі з машыны толькі пашпарт і яго рэчы, яе адпусцілі праз два прыпынкі ад дома. Яна мяркуе, што прычынай затрымання мог стаць удзел мужа і жонкі ў акцыях пратэсту.

Жонка і адвакат Максіма пасля затрымання адправіліся ў Першамайскае РУУС. "Мы адразу ж туды патэлефанавалі. Натуральна, там Максіма не аказалася, па іх версіі. Але мы з адвакатам паехалі туды, і ён ужо там быў. Збіты. Але не быў зарэгістраваны як затрыманы", — распавяла Кацярына.

Адвакат Максіма Харашына Юлія Леванчук распавяла TUT.BY, што ў Максіма ацёк унутраных органаў, ацёк машонкі, падазрэнне на пералом у галіне галёнкі, шматлікія ранкі, "цалкам адбіты ўвесь левы бок". Харошын распавёў адвакату, што пры затрыманні яго білі дубінкамі і нагамі, але разбілі толькі нос, а асноўнае збіццё адбывалася менавіта ў РУУС.

"Крычалі, кажа, што ён нібыта разабраў вадамёт, лецішча Балабы (Дзмітрый Балаба-камандзір АМАПа ГУУС Менгарвыканкама-НВ) падпаліў і гэтак далей. Але ні па адным афіцыйным дакуменце гэты чалавек у РУУС не лічыўся затрыманым. Яны цяпер, цалкам магчыма, з'явяцца. На момант, калі я была ў РУУС і ўдакладняла ўсю інфармацыю, ён не быў затрыманы, і мне казалі, што ён не ўтрымліваецца ў Першамайскім РУУС" — паведаміла адвакат.

Максім Харошын, са слоў жонкі, дарыў кветкі жанчынам падчас іх акцый пратэсту і сам удзельнічаў у мірных маршах.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: