Крымінальная справа «за знявагу кіраўніка краіны» супраць Андрэя і Паліны Шарэндаў спыненая

Актывіст грамадзянскай кампаніі «Еўрапейская Беларусь» Андрэй Шарэнда паведаміў, што 17 чэрвеня атрымаў дакумент з Упраўлення Следчага камітэта па Берасцейскай вобласці — крымінальны пераслед у дачыненні да яго і жонкі Паліны Панасюк-Шарэнды спынены.
У дакуменце за подпісам следчага, маёра юстыцыі E.A. Ціхановіч паведамляецца, што «згодна з п.2 ч.1 арт.29 і ч.2 ст.250 Крымінальна-працэсуальнага кодэкса Рэспублікі Беларусь у дачыненні да Андрэя Шарэнды і ягонай жонкі Паліны Панасюк-Шарэнда спынены пераслед па крымінальнай справе».

Крымінальная справа супраць сужэнцаў была заведзеная за вывешванне ў Берасці расьцяжкі, якая, паводле экспэртызы, «цынічна зневажала» кіраўніка дзяржавы.

Раней Андрэй Шарэнда выказваў меркаванне, што сумняецца, што справа дойдзе да суду.


Паводле svaboda.org

Хочаце ведаць больш? Сачыце за нашымі публікацыямі ў Telegram і Facebook!