Лекара, які адбыў суткі ўжо пяты раз, звольнілі з РНПЦ неўралогіі і нейрахірургіі

Усяго ён правёў за кратамі 63 дні.
Лекара-неўролага Руслана Бадамшына, якога затрымлівалі ўжо пяць разоў (усяго ён правёў за кратамі 63 дні), звальняюць з РНПЦ неўралогіі і нейрахірургіі, дзе ён працаваў на пасадзе ўрача функцыянальнай дыягностыкі.

Бадамшына звальняюць ў сувязі з яго адсутнасцю на працы з 10:00 да 12:00 8 красавіка, пішуць «Белыя халаты».

Раніцай таго дня медык пасля адбыцця чарговага адміністрацыйнага арышту выйшаў на волю з жодзінскага СІЗА, але, не маючы пры сабе ні грошай, ні тэлефона, дабраўся да працы са спазненнем і, паколькі быў без сувязі, не змог папярэдзіць кіраўніцтва аб тым, што мусіць затрымацца.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: