Лукашэнка даў зразумець, што ІП спадзявацца няма на што

Аляксандр Лукашэнка сёння выказаўся па тэме ІП, якая «грыміць» у СМІ ўжо не адзін тыдзень. Мяркуючы па словах прэзідэнта, ніякіх саступак прадпрымальнікам улады рабіць не будуць.



tut.by


Аляксандр Лукашэнка ў ходзе нарады з нагоды зацвярджэння рашэння на ахову дзяржмяжы паведаміў, што «мядовыя гады» ІП скончыліся, і ім прыйдзецца арыентавацца ў будучыні на новыя правілы. Больш за тое, прэзідэнт заявіў: усе будуць працаваць у роўных умовах, а сертыфікацыя прадукцыі з’яўляецца толькі першым крокам. Да любога тавару павінны быць дакументы, гандаль павінна быць празрыстым, заявіў Лукашэнка і падкрэсліў: «хопіць вакол гэтага нейкія падкопы ладзіць».

Дзяржаўнае агенцтва БЕЛТА называе сітуацыю з ІП «нагнятанаемай». А. Лукашэнка нагадаў, што сустракаўся з прадстаўнікамі ІП летась і з імі ж дасягнуў дамоўленасць адносна адтэрміноўкі па ўвядзенні дакументаў. У сувязі з гэтым прэзідэнт выказаў здзіўленне, чаму ІП зноў хочуць адтэрміноўкі.

Такім чынам, улады ясна і выразна даюць зразумець, што ІП спадзявацца няма на што, гэта, зрэшты, было відавочна і раней: і МПЗ, і Мінэканомікі неаднаразова нагадвалі, што крайні тэрмін рэалізацыі тавараў лёгкай прамысловасці без дакументаў, якія адносяцца да рэшткаў, можна рэалізаваць да 31 снежня 2015 года, нагадвае БДГ.

Між тым, прадпрымальнікі ўсё яшчэ спадзяюцца на тое, што ўлады правядуць з імі перамовы. Не выключалі гэта і ў некаторых ведамствах, напрыклад, у Мінгандлі абяцалі правесці нараду па праблеме ўжо на гэтым тыдні. Аднак ці пройдзе яна пасля заяваў Лукашэнкі  вялікае пытанне.

Што тычыцца рэакцыі «з таго боку барыкадаў», то пакуль каментар апублікаваў толькі лідэр РГА «Перспектыва» Анатоль Шумчанка, які працягвае адстойваць сваю праўду.

«Няхай усё, што сказаў Лукашэнка аб сітуацыі з ІП застанецца, на яго сумленні! І пра мядовыя гады, і пра дамоўленасці... Мабыць, мы з ім па-рознаму бачым і ацэньваем жыццё простага народа. Пра якія дамоўленасці ён кажа, калі ні адзін з удзельнікаў з боку ІП сустрэчы вясной не даў згоды на новы ўказ?! З кім былі дамоўленасці?! З буйным бізнэсам, які ўваходзіць у Савет па развіццю прадпрымальніцтва і ўзгадняе законы для ІП. Дзе ж гэта бачана, каб буйны бізнес прымаў рашэнні, як жыць малому... Цяпер гэтыя рашэнні зразумелыя»,  піша Шумчанка на сваёй старонцы ў фэйсбуку.

Дарэчы, у ходзе нарады Лукашэнка таксама даў зразумець, як дзяржава ацэньвае дзейнасць усіх імпарцёраў тавараў лёгкай прамысловасці.

«Народ павінен разумець, што імпартная шмотка — гэта не толькі вялікія грошы з іх кішэні, але і адсутнасць працы ў сябе», — адзначыў Аляксандр Лукашэнка.

Ці варта казаць аб тым, што такія заявы наўрад ці выклічуць прыліў аптымізму ў ІП? Між тым, ва ўсім тым, што адбываецца, ёсць толькі адзін плюс: прадпрымальнікі здолелі-такі дастукацца да прэзідэнта, і менавіта тым мірным шляхам, аб якім яны марылі, без плошчаў і акцый пратэсту. Аднак эфект атрымаўся не зусім той, якога яны чакалі.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: