Лукашэнка адкрыў рэканструяваны мост праз Прыпяць

6 лістапада Аляксандр Лукашэнка ўрачыста адкрыў рэканструяваны мост праз Прыпяць у Жыткавіцкім раёне, інфармуе БЕЛТА.
Фота: Белта

Фота: Белта

Мост быў зачынены ў снежні 2017 года, калі на ім выявілі расколіну. Спярша яго перакрылі для аўтамабільнага руху, а потым і для пешаходнага. Рэчышча Прыпяці часова змянілі, а сам мост узарвалі, каб паставіць новы. Праз Прыпяць была наладжаная паромная і пантонная пераправа.

Кіраўнік Беларусі патрабаваў, каб новы мост з'явіўся да 7 лістапада 2018 годы, і будаўнікі выканалі гэтае патрабаванне. "Як мне дакладваюць, сціслыя тэрміны не адбіліся на якасці. Работнікі дарожна-будаўнічай сферы не толькі вырашылі складаныя пытанні і дамагліся пастаўленых мэтаў, але і набылі бясцэнны досвед", — пахваліў іх Лукашэнка. Па яго словах, пры рэканструкцыі моста былі ўпершыню ўжытыя многія наватарскія ідэі і тэхналогіі.

Кіраўнік дзяржавы даручыў узнагародзіць будаўнікоў і кіраўнікоў, якія займаліся рэканструкцыяй моста.


Паводле euroradio.fm

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: