Лукашэнка прапануе жыць у пацярпелых ад Чарнобыльскай катастрофы раёнах

Аляксандр Лукашэнка заявіў, што ў раёнах, пацярпелых ад катастрофы на Чарнобыльскай АЭС, можна і трэба жыць.
«Сёння людзі разумеюць і я, што на гэтай зямлі можна жыць. Самае галоўнае — мы тут будзем жыць», — заявіў Лукашэнка ў час сустрэчы з жыхарамі Нараўлянскага раёна ў час рабочай паездкі ў Гомельскую вобласць. Кіраўніка дзяржавы цытуе яго прэс-служба.

«Прыйшоў час вельмі актыўна асвойваць гэты край», — падкрэсліў Лукашэнка.

Раней кіраўнік краіны ўсклаў кветкі да гранітнага мемарыяла памяці выселеным вёскам Нараўлянскага сельсавета ў аграгарадку Завойць.

Помнік быў адкрыты ў гэтым годзе да 34-й гадавіны аварыі на Чарнобыльскай АЭС. Ён устаноўлены побач з Завойцянскім сельскім домам культуры.

Мемарыял уяўляе сабой трохконтурнае збудаванне, на якім намаляваныя тры дамы. Яны аб'яднаны ў адну кампазіцыю і сімвалізуюць вёскі Нараўлянскага (у 1986 годзе — Завойцянскага) сельсавета: Раманаўка, Смалегоўская Рудня і Смалегоў. Жыхары гэтых вёсак пасля аварыі на ЧАЭС былі пераселены ў не забруджаныя радыёнуклідамі рэгіёны.

interfax.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: