Маёр Нацгвардыі ЗША загінуў у Мінску пры загадкавых абставінах

Трагічны інцыдэнт адбыўся ў сярэдзіне чэрвеня, аднак вядома аб ім стала толькі зараз. Бацька загінулага сцвярджае, што цела ягонага сына было скінутае з даху ці балкону мінскага гатэлю пасля спрэчкі з ахоўнікамі казіно. 

Дэталі здарэння распаўсюдзіў амерыканскі тэлеканал. Паводле непацверджаных дадзеных, мова ідзе пра гасцініцу «Юбілейная».

Як паведамляецца, маёр Нацыянальнай гвардыі ЗША Кайл Тэфел наведваў Беларусь разам са сваімі цёткамі.

У сярэдзіне чэрвеня 36-гадовы афіцэр прыехаў у Мінск. Яго цёткі ўдзельнічалі ў спаборніцтвах па паўэрліфтынгу, і Кайл Тэфел прыехаў, каб падтрымаць іх.

16 чэрвеня ў яго здарыўся канфлікт з аховай казіно ў гасцініцы "Юбілейная", дзе жылі амерыканцы. Супрацоўнікам Службы бяспекі нібыта давялося праводзіць замежніка да яго нумара на 10-м паверсе.

Праз некаторы час цела афіцэра было знойдзена на вуліцы. Бацька загінулага сцвярджае, што яго скінулі з даху. Іншая версія — амерыканец выпаў з балкона.

Цела Тэфэла даставілі ў Злучаныя Штаты на мінулым тыдні.

Інфармацыя аб трагедыі з'явілася ў беларускіх СМІ 6 ліпеня са спасылкай на амерыканскія масмедыя.

Прадстаўнікі Следчага Камітэту ды Міністэрства ўнутраных спраў інфармацыю пра гібель амерыканца пакуль ніяк не пракаментавалі.

Паводле belapan.by, www.radyjo.net



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: