Макей: Лукашэнка і Пуцін будуць гаварыць пра «паглыбленне інтэграцыі»

Сустрэча кіраўнікоў Беларусі і Расіі можа адбыцца ў канцы лютага. Пра гэта заявіў у пятніцу міністр замежных спраў РБ Уладзімір Макей, паведамляе «Еўрарадыё».
Фота "Радыё Свабода"

Фота "Радыё Свабода"


Пра тое, што сустрэча Аляксандра Лукашэнкі і Уладзіміра Пуціна рыхтуецца, 10 лютага паведаміў прэс-сакратар расійскага прэзідэнта Дзмітрый Пяскоў. "Коммерсант" напісаў, што яна можа адбыцца ў канцы лютага ў Сочы.

Макей таксама паведаміў, што ў парадку дня сустрэчы Лукашэнкі і Пуціна "будуць і канкрэтныя пытанні, звязаныя з далейшым паглыбленнем інтэграцыі паміж нашымі дзяржавамі".

Папярэдні раз Аляксандр Лукашэнка і Уладзімір Пуцін сустракаліся ў сярэдзіне верасня ў Сочы, калі ў Беларусі праходзілі масавыя пратэсты. Пасля таго яны размаўлялі ці па тэлефоне, ці кантактавалі падчас анлайн-самітаў.

З'явілася неафіцыйная інфармацыя, што падчас візіту Аляксандр Лукашэнка будзе абмяркоўваць выдачу новага расійскага крэдыту ў 3 млрд долараў. Крэмль гэта пакуль не пацвярджае.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: