Мастак Алесь Пушкін знік пасля вяртання ў Беларусь

Пра гэта піша Свабода.
Мастак Алесь Пушкін вылецеў з Кіева вячэрнім рэйсам. Пасля 21 гадзіны ён прайшоў памежны кантроль у мінскім аэрапорце. Пасля гэтага ён перастаў выходзіць на сувязь.

У Кіеве Пушкін прымаў удзел у выставе беларускіх мастакоў «Кожны дзень. Мастацтва, салідарнасць, супраціў», якая праходзіць у Мастацкім арсэнале, адной з найбуйнейшых культурных пляцовак ва Ўкраіне.

Як даведалася Свабода, перад вылетам з Кіева Алесь Пушкін ведаў, што супраць яго пракуратурай Гродна заведзеная крымінальная справа за «рэабілітацыю і апраўданне нацызму» (частка 3 артыкула 130 Крымінальнага кодэксу Беларусі). Але ён не разглядаў варыянту заставацца ва Ўкраіне і вярнуўся на радзіму.

Справа датычыць карціны аўтарства Пушкіна, якая была на выставе ў Гродна. Па гэтай жа справе сёння ў Горадні быў затрыманы Павел Мажэйка — стваральнік Цэнтру гарадскога жыцця, дзе адбылася выстава Алеся Пушкіна.

Паводле паведамлення пракуратуры, 19 сакавіка на выставе дэманстравалі партрэт Яўгена Жыхара з аўтаматам на плячы аўтарства Пушкіна.

Як сцвярджае пракуратура, Жыхар у 1946 годзе «ўзначаліў атрад з былых паліцаяў і іншых здраднікаў, якія цягам 9 гадоў у Пастаўскім раёне забівалі міліцыянтаў, партыйных і дзяржаўных службовых асобаў, падпальвалі адміністрацыйныя будынкі і рабілі дыверсіі на чыгунцы».

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: