Аляксея Янукевіча каля Ліды прыпыніла ДАІ (дапоўнена)

Легкавік, у якім ехалі на мітынг Аляксей Янукевіч і Юрась Лукашэвіч, прыпынілі супрацоўнікі ДАІ.


Каля Ліды супрацоўнікі ДАІ спынілі, вылучыўшы з патоку, машыну, у якой на мітынг у Гродна ехалі старшыня Партыі БНФ Аляксей Янукевіч і кіраўнік Моладзі БНФ Юрась Лукашэвіч.

Аўто прыпынілі дзеля праверкі дакументаў і праверкі па базе. Такая праверка можа трываць некалькі гадзін. Пакуль ніякіх абвінавачванняў кіраўніку БНФ не высунута.

Пазней стала вядома, што Аляксей Янукевіч не здолеў трапіць на мітынг у Гродна. 

Супрацоўнікі ДАІ другі раз прыпынілі машыну кіраўніка БНФ. Зараз ён у Шчучыне, дзе працягваецца праверка сапраўднасці яго дакументаў.


Хочаце ведаць больш? Сачыце за нашымі публікацыямі ў Telegram і Facebook!