Менчукоў вызваляць ад аплаты за чэрвень за халодную ваду, але не ўсіх

Менгарвыканкам прыняў дакумент, паводле якога жыхароў сталіцы ў якіх на мінулым тыдні ўзніклі праблемы з якасцю вады, вызваляць ад аплаты паслугаў за водазабеспячэнне за чэрвень. Пра гэта піша Белсат са спасылкай на Telegram-канал «Минск. Официально».
На працягу бягучых трох працоўных дзён Менсквадаканал падрыхтуе і перадасць у разлікова-даведачныя цэнтры спісы адрасоў, па якіх не будзе налічвацца аплата. Плаціць не трэба будзе жыхарам дамоў Фрунзенскага, Маскоўскага і часткі дамоў з іншых раёнаў сталіцы, спажыўцы якіх не маглі выкарыстоўваць пітную ваду ў сувязі са збоямі сістэмы цэнтральнага водазабеспячэння.

Нагадаем, 24 чэрвеня ў Маскоўскім і Фрунзенскім раёнах сталіцы пачаліся праблемы з пітною вадою. Жыхары наракалі на рэзкі пах і пякоту. Хутка быў арганізаваны падвоз вады ў цыстэрнах.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: