Міліцыя пацвердзіла затрыманне больш за 200 дэманстрантаў. У спісах валанцёраў на сотню болей

Прэс-служба ГУУС Мінагарвыканкама паведаміла, што 22 лістапада за парушэнне заканадаўства аб масавых мерапрыемствах на тэрыторыі г. Мінска затрымана больш за 200 грамадзян, у дачыненні да якіх праводзіцца праверка ў рамках дзейнага заканадаўства.



Паводле міліцыі, з 12:00 да 13: 00 у розных раёнах сталіцы збіраліся групы грамадзян, якія планавалі ў наступным накіравацца ў цэнтр горада. Пазначыўшы сябе незарэгістраванай сімволікай і плакатамі, якія змяшчаюць розныя заклікі, групы грамадзян выходзілі на праезную частку ў раёне "Каменная горка", вул. Каліноўскага, вул. Голубева і іншых месцах, блакуючы пры гэтым рух удзельнікаў дарожнага руху і грамадскага транспарту. У мэтах бяспекі грамадзян і ўдзельнікаў дарожнага руху супрацоўнікі міліцыі выціснулі грамадзян з праезнай часткі.

Удзельнікі несанкцыянаваных мерапрыемстваў неаднаразова папярэджваліся аб недапушчальнасці супрацьпраўных дзеянняў, пасля чаго найбольш актыўныя асобы былі затрыманыя.

Між тым, па звестках валанцёраў у Мінску затрымана больш за 300 чалавек.  Як мінімум шэсць чалавек з РУУС забралі машыны хуткай дапамогі ў лякарні.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: