Мінгарсуд адмяніў прысуд Уладзю Лянкевічу ў дзень яго выхаду з сутак

Мінскі гарадскі суд сёння адмяніў прысуд у 15 сутак, прызначаны паэту і музыку Уладзю Лянкевічу, перадае Еўрарадыё. Але ён адседзеў іх цалкам.
15 сутак скончыліся акурат сёння: Лянкевіч, які адседзеў "ад званка да званка", выйшаў з ізалятара ў Баранавічах.

Уладзь Лянкевіч — паэт, музыка гуртоў Partyzanski praspekt і luty sakavik. Яго затрымалі 6 снежня падчас пратэснай акцыі.

Як паведамляла Еўрарадыё, 7 снежня суддзя Кастрычніцкага суда Мінска Аляксандр Рудэнка прызнаў яго вінаватым у "парушэнні парадку арганізацыі і правядзення масавых мерапрыемстваў" і ў "непадпарадкаванні законным патрабаванням службовай асобы".

Для Лянкевіча гэта другі арышт за час пратэстаў. Першыя 6 сутак адміністрацыйнага арышту ён адбыў у верасні.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: