Мінгарвыканкам адмовіў у правядзенні шэсцяў на Дзень Волі (дапоўнена)

Мінгарвыканкам адмовіў аргкамітэту па святкаванні 100-годдзя БНР у правядзенні шэсця ў Мінску на Дзень Волі.
Фота: Reuters

Фота: Reuters


Фармальна было дзве заяўкі на правядзенне шэсця 25 сакавіка. Аргкамітэт па святкаванні 100-годдзя БНР афіцыйную заяўку не падаваў, але накіраваў у Мінгарвыканкам пісьмовы зварот з просьбай разгледзець мэтазгоднасць правядзення шэсця да Тэатра оперы і балета з месцам збору ўдзельнікаў каля помніка Янкі Купалы. Адлегласць там — роўна адзін кіламетр. На гэтую просьбу, як распавёў TUT.BY Юрый Губарэвіч, Мінгарвыканкам адказаў адмовай.


Афіцыйную заяўку на правядзенне шэсця падалі прадстаўнікі шэрагу арганізацый, якія ўваходзяць у Беларускі Нацыянальны Кангрэс. Яны прасілі ўлады дазволіць прайсці ад плошчы Якуба Коласа да парку Янкі Купалы. І зрабіць гэта да пачатку святочнага канцэрта. Рашэнне аб гэтым, нагадаем, прадстаўнікі БНК прынялі на прыступках офіса БНФ.

Пасля 15 гадзін стала вядома, што па другой заяўцы таксама атрымана адмова.



Хочаце ведаць больш? Сачыце за нашымі публікацыямі ў Telegram і Facebook!

Каментаваць