Мінгарвыканкам ухіляецца ад адказу, ці быў аўкцыён па продажу ўчастка ля Курапатаў законным

Гэта вынікае з адказу на запыт удзельніцы групы «За ўратаванне мемарыялу Курапаты» Ганны Шапуцькі, пад якім падпісаліся дзясяткі ўдзельнікаў абароны Курапатаў.

Першы намеснік старшыні Мінгарыканкама Ф.В. Рымашэўскі паведаміў, што падстаў для спынення будаўніча-мантажных работ у Курапатах ў Мінгарвыканкама няма. Гэта значыць, што будаўніцтва можа аднавіцца ў любы момант.

Варта адзначыць, што ў адказе няма дакладнага адказу на пытанне пра незаконнасць вылучэнння тэрыторыі з ахоўнай зоны на аўкцыён. «Наадварот, Мінгарвыканкам толькі падцвердзіў, што участак пад будаўніцтва быў выдзелены незаконна, бо  яны пішуць, што выдзелілі ўчастак для правядзення аўкцыёну  11.04.2013 № 892, то бок выдзелілі тады, калі дзейнічала Пастанова №15 ад 2004 г., і згодна  з гэтай Пастановай участак знаходзіўся ў ахоўных зонах мемарыяла, а распрацоўка дэтальнага плану была пачата  9.01.2014 (Рашэнне Мінгарвыканкама). То  бок, сыходзячы з іх дадзеных, да 9.01.2014 не мелі права выстаўляць участак на аўкцыен. Тым больш, што Курапаты — гэта мемарыял 1 катэгорыі міжнароднай значнасці", — гаворыць Ганна Шапуцька.

Таксама паўстае пытанне, чаму Мінгарвыканкам сцвярджае, што на тэрыторыі будаўніцтва пахаванняў быць не магло, калі раскопак там ніхто не праводзіў. Цалкам адказ можна прачытаць ніжэй.




Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: