Мінінфарм расказаў, чаму ў Беларусі спыненае вяшчанне RTVI

Міністэрства інфармацыі прыняло рашэнне аб адмове ў выдачы новага дазволу на распаўсюд у Беларусі замежнай тэлепраграмы RTVI, гаворыцца ў паведамленні на сайце Мінінфарма ў панядзелак.

«Падставай для адмовы стала неадпаведнасць рэчаiснасцi звестак, указаных у заяве, пададзенай аператарам электрасувязі», — удакладнілі ў ведамстве.

Там нагадалі, што тэрмін дзеяння дазволу, выдадзенага Міністэрствам інфармацыі у 2018 годзе названай тэлепраграме, мінае 27 чэрвеня 2021 года.

Як паведамілі раней у кампаніі «Космас ТБ», з 27 чэрвеня будзе спынена трансляцыя тэлепраграмы RTVI.

RTVI — расійскі міжнародны інфармацыйна-забаўляльны тэлеканал, які ажыццяўляе вяшчанне на тэрыторыі шэрагу дзяржаў СНД, Грузіі, краін Балтыі, Германіі, Ізраіля, Вялікабрытаніі, Іспаніі, ЗША, Канады, Аўстраліі і іншых краін. Заснаваны ў 2002 годзе.

interfax.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: