Міністэрства інфармацыі разблакавала IP-адрас 139.162.166.31

Актывісты лічаць, што вычарпалі ўсе пазасудовыя сродкі ўплыву на ўладу, таму плануюць бліжэйшым часам падаваць у суд.



13 ліпеня загадам Міністра інфармацыі №326 унесеныя змены ў першапачатковы загад №150 ад 15 траўня 2018 года.


Загад прадугледжвае аднаўленне доступу да ўсіх іншых вебсайтаў, змешчаных на згаданым серверы, акрамя сайту кампаніі Legalize Belarus (legalize.by), які застаецца заблекаваным.

Па тлумачэнні прычынаў яго блакавання Мінінфармацыі дасылае ў МУС, якое ў апошнім адказе на скаргу актывістаў адказала наступным чынам:

«Лічым, што апавяшчэнне пра неабходнасць абмежавання доступу да інфармацыйнага рэсурсу legalize.by намі вынесена абгрунтавана».

Актывісты, у сваю чаргу, лічаць, што вычарпалі ўсе пазасудовыя сродкі ўплыву на ўладу і неўзабаве будуць падаваць у суд.

Паводле прэс-службы "Дзея"


Хочаце ведаць больш? Сачыце за нашымі публікацыямі ў Telegram і Facebook!