Міністр працы: да канца года сярэдні заробак дасягне тысячы рублёў

Планавае заданне па ўзроўні заработнай платы да канца 2017 года будзе выканана, нягледзячы на некаторае адставанне ад графіка. Пра гэта паведаміла міністр працы і сацыяльнай абароны Ірына Касцевіч сёння на прамой тэлефоннай лініі, перадае карэспандэнт БелТА.
Ірына Касцевіч

Ірына Касцевіч



«Па выніках студзеня-жніўня бягучага года сярэдняя заработная плата адстае ад устаноўленага графіка ў асобных рэгіёнах і асобных відах дзейнасці», — канстатавала міністр. Разам з тым, падкрэсліла Ірына Касцевіч, планавае заданне па забеспячэнні ўзроўню заработнай платы ў сярэднім па рэспубліцы ў Br1 тыс. будзе выканана.

«З верасня павышана тарыфная стаўка першага разраду для работнікаў бюджэтнай сферы, а таксама заработная плата дзяржслужачых. Гэта акажа свой уплыў на паказчыкі росту зарплаты ў цэлым па краіне», — рэзюмавала яна.

Паводле «Нашай Нівы»

Хочаце ведаць больш? Сачыце за нашымі публікацыямі ў Telegram і Facebook!