Мінкульт: Уладальнікі «Паедзем паядзім» з прапановай стварэння мемарыяла не звярталіся

Міністэрства культуры не атрымлівала ў 2012 годзе зварот кампаніі «БелРестИнвест», у якім цяперашнія ўладальнікі рэстарана «Паедзем паядзім» прапаноўвалі прафінансаваць стварэнне мемарыяльнага комплексу ў Курапатах.


Пра гэта гаворыцца ў афіцыйным адказе Мінкульта на запыт TUT.BY.

Нагадаем, 20 ліпеня падчас сустрэчы з журналістамі саўладальнік рэстарана "Паедзем паядзім» Леанід Зайдэс сказаў, што ў 2012 годзе кампанія дасылала ў Мінкульт ліст з прапановай прафінансаваць стварэнне ва ўрочышчы мемарыяла. І нават указвала арыенціровачны аб'ём інвестыцый, які ўладальнікі гатовыя былі ўкласці ў развіццё мемарыяльнага комплексу, — 1 мільярд недэнамінаваных рублёў. Тады ж Зайдэс адзначыў, што рэалізаваць гэты праект не атрымалася, «і не па нашай віне».

 

Тэкст ліста, прадстаўлены «БелРестИнвест». Фота: TUT.BY


Але ў Мінкульце кажуць, што ў 2012 годзе падобнага звароту не атрымлівалі.

«Усе ўваходныя дакументы ў абавязковым парадку рэгіструюцца ў аддзеле арганізацыйнай работы і дакументазвароту Міністэрства культуры. Па выніках праверкі ўстаноўлена, што ў сістэме аўтаматызацыі справаводства і электроннага справаводства «Дело» Міністэрства культуры зварот «БелРестИнвест» ад 2012/11/13 № 110 не зарэгістраваны», — гаворыцца ў адказе міністэрства.

Акрамя таго, у адказе ведамства ўказана, што ў перыяд з 2012 па 2018 год зваротаў ад «БелРестИнвест» аб тым, што на іх адрас не накіраваны адказ на вышэйназваны зварот, у міністэрства не паступала.



Паводле news.tut.by


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Абмеркаванне:

  • Дмитрий
  • 2018-07-26 21:01:17
Как отметил в комментарии для Naviny.by Игорь Чернявский, который в 2012 году возглавлял управление по охране историко-культурного наследия Минкульта, в то время действительно «шли разговоры, что застройщик может построить каплицу, поучаствовать в мемориализации».

«Но основная часть Куропат закреплена за Боровлянским сельским комитетом, который относится к Минскому району и Минской области, поэтому такое решение не за Министерством культуры, а за местными органами власти. К тому же, чтобы что-то устанавливать, должна быть концепция мемориализации», — сказал Игорь Чернявский.

https://naviny.by/article/20180720/1532098164-v-restorane-poedem-poedim-ne-budet-salyutov-i-feyerverkov

Больш цікавага на «Новым Часе»: